WAHYU 5:6 - JANJAI BLAU Lem Bahaso Jang Bebilai

⁶ Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.

WAHYU 5:6 ပူးပေါင်းရင်းမြစ်များ

LUKAS 1:69

Si melei ite penyelamat de kuet, royot Daud hamba-Ne o.

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

YOHANES 1:36

Ketiko si kemliak Yesus liwet, si madeak, “Keliakba, do'o Anok Domba Allah!”

KISAH RASUL-RASUL 8:32

Dioba ayat-ayat de si baco o, “Si awei bebirai de ni'ing utuk senbeliak, awei anok bebirai de coa ngembek amen bulaune genuting, awei'oba Si coa mucep depateak kecek kulo.

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 14:1

Sesudo'o uku kemliak, lajau keten Anok Bebirai o je neak das Tebo Sion. Besamo Si ade sotos pat puluak pat ribau tun ngen neak ning tobo'o tetulis gen-Ne ngen gen Bapa-Ne.

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 21:22

Uku coa kemliak Bait Sucai neak lem kota o, sebab Bait Sucaine adeba Tuhan su'ang, Allah De Mahakuaso, ngen Anok Bebirai o.

WAHYU 21:23

Kota o coa perlu cahayo matai bilai atau bulen, sebab kemulioan Allah tem'angne, ngen Anok Bebirai o adeba lapune.

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 22:3

Neak lem kota o coa bakea ade de keno supeak Allah. Takhta Allah ngen Anok Bebirai o bakea ade neak lem kota o. Hamba-hamba-Ne bakea beribadah ngen-Si,

WAHYU 4:8

Kepat makhluk o, masing-masing temuan num sayep, sekelilingne ngen neak peak lemne penuak ngen matai. Lueng kelmen makhluk-makhluk o coa bedan-bedanne nyanyi, “Sucai, sucai, sucaiba Tuhan, Allah Mahakuaso; de ade, de sudo ade, ngen de ade seterusne.”

WAHYU 5:11

Sesudo'o uku kemliak igai. Uku temi'uk sa'ei malaikat de beribau-ribau ngen berjuta-juta daune. Tobo'o je kemliling takhta ngen kepat makhluk serto tobo pemipin o.

WAHYU 5:12

Ngen tobo'o nyanyi ngen sa'ei de lek, “Anok Bebirai de sudo sembeliak o, layak utuk temimo kuaso, kekayaan, kebijaksanaan ngen kekuatan; Si layak nelei hormat, diagungkan ngen nujai!”

WAHYU 5:13

Lajau uku temi'uk kute makhluk neak lenget, neak bumai, neak beak bumai ngen neak lem laut – siketne kute makhluk neak semesta alam yo – nyanyi, “Si de temot neak das takhta, ngen Sang Anok Bebirai o, adeba tepujai ngen terhormat serto agung ngen bekuaso utuk selamo-lamone!”

WAHYU 5:14

Mako kepat makhluk o jemawab, “Amin!” Ngen pemipin-pemipin o tukup ngen nyembeak.

WAHYU 6:16

Tobo'o madeak ngen tebo-tebo ngen butau-butau o “Tipoba keme! Nunyinba keme kunei keliak-Ne de temot neak das takhta, ngen teadep amarah Anok domba o!