WAHYU 5:13 - JANJAI BLAU Lem Bahaso Jang Bebilai

¹³ Lajau uku temi'uk kute makhluk neak lenget, neak bumai, neak beak bumai ngen neak lem laut – siketne kute makhluk neak semesta alam yo – nyanyi, “Si de temot neak das takhta, ngen Sang Anok Bebirai o, adeba tepujai ngen terhormat serto agung ngen bekuaso utuk selamo-lamone!”

WAHYU 5:13 ပူးပေါင်းရင်းမြစ်များ

MATIUS 6:13

Jibeak muyau keme coa pecayo waktau keme cenuba. tapi ne'uakba keme kunei kuaso Iblis. [Koba Rajo de kuaso ngen mulio utuk selamone. Amin.]’

LUKAS 2:14

“Tepujaiba Allah neak lenget de kembiak lekat! Ngen neak das bumai, sejahteraba manusio de semnang atei Tuhan!”

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

ROMA 11:36

Allah de menea kute sesuaktau. Kutene kunei Allah. Kutene utuk Allah. Tepujaiba Allah utuk selamo-lamone! Amin.

ROMA 16:27

Siba do-done Allah, Si mahabijaksana. Semoga Si jenunjung selamo-lamone liwet Yesus Kristus! Amin. Hormat keme, Paulus, hamba Kristus Yesus

ROMA 9:5

Tobo'o adeba royot bapa-bapa leluhur, de tumu'un Kristus lem keadaan-Ne sebagai manusio, de ade neak das kute sesuaktau. Si adeba Allah de harus nujai sapei selamo-lamone. Amin!

EFESUS 3:21

Lokba Allah dimuliakan tu'un temu'un neak lem jemaat, liwet Kristus Yesus. Tepujaiba Allah utuk selamo-lamone. Amin.

FILIFI 2:10

Mako utuk menghormati Yesus, kute makhluk de neak surgo, ngen de neak bumai, serto de neak beak bumai, bakea nyembeak Si.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

1 TIMOTIUS 4:16

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

1 PETRUS 5:11

Kristus adeba de bekuaso sapei selamo-lamone! Amin.

YUDAS 1:25

Siba dedone Allah, Penyelamat ite liwet Yesus Kristus Tuhan ite. Siba Allah de mulio, agung, bekuaso ngen bewibawa sejak bel'o nien sapei uyo ngen utuk selamo-lamone! Amin.

WAHYU 1:6

ngen jemijai ite bangso khusus imem-imem, de melayan Allah, Bapa-Ne. Yesus Kristus o ba de agung ngen bekuaso utuk selamo-lamone. Amin!

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 5:1

Sesudo'o uku kemliak debueak gulungan bukau neak tangen Si de temot neak takhta o. Bukau o penuak ngen tulisan peak lem ngen peak lueane ngen dimeteraikan ngen tujuak bueak segel.

WAHYU 5:12

Ngen tobo'o nyanyi ngen sa'ei de lek, “Anok Bebirai de sudo sembeliak o, layak utuk temimo kuaso, kekayaan, kebijaksanaan ngen kekuatan; Si layak nelei hormat, diagungkan ngen nujai!”

WAHYU 5:3

Tapi baik neak surgo, neak bumai, atau neak beak bumai, de dapet mukok gulungan kiteb o atau de dapet kemliak peak lemne.

WAHYU 5:6

Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.

WAHYU 6:16

Tobo'o madeak ngen tebo-tebo ngen butau-butau o “Tipoba keme! Nunyinba keme kunei keliak-Ne de temot neak das takhta, ngen teadep amarah Anok domba o!