WAHYU 5:12 - JANJAI BLAU Lem Bahaso Jang Bebilai

¹² Ngen tobo'o nyanyi ngen sa'ei de lek, “Anok Bebirai de sudo sembeliak o, layak utuk temimo kuaso, kekayaan, kebijaksanaan ngen kekuatan; Si layak nelei hormat, diagungkan ngen nujai!”

WAHYU 5:12 ပူးပေါင်းရင်းမြစ်များ

MATIUS 28:18

Yesus maok tobo'o ngen madeak, “Kute kuaso neak surgo ngen neak bumai sudo senreak ngen Uku.

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

YOHANES 17:2

Serai awei Ko bi melei ngen Si kuaso das kute de idup, awei yo kulo Si bakea melei idup de kekal ngen kute de sudo Ko melei ngen Si.

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

1 TIMOTIUS 1:17

Allah, Rajo kute zaman, patut nelei hormat ngen nujai, sebab Siba de kekal, de coa keten ngen esa! Amin.

WAHYU 1:6

ngen jemijai ite bangso khusus imem-imem, de melayan Allah, Bapa-Ne. Yesus Kristus o ba de agung ngen bekuaso utuk selamo-lamone. Amin!

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 15:3

Ngen tobo'o mbin legau Musa, hamba Allah, ngen legau Anok Bebirai. Awei yo sa'eine, “Tuhan, Allah Maha Kuaso, padeak lai ngen ajaibne perbuatan-perbuatan-Nu! Rajo kute bangso, padeak adea ngen benea tindakan-tindakan-Nu!

WAHYU 19:1

Sesudo'o uku temi'uk sa'ei awei sa'ei tun dau gidong nyanyi kunei surgo de menggang, “Pujaiba Allah! Allah ite adeba Allah de semlamat; Si Allah de agung ngen bekuaso!

WAHYU 4:11

“Ya Tuhan, ya Allah keme! Ko bae de layak temimo pujian, hormat ngen kuaso. Sebab Koba pencipta kute sesuaktau, ngen das kelok-Nu kulo kute sesuaktau o bi tejijai ngen idup.”

WAHYU 5:13

Lajau uku temi'uk kute makhluk neak lenget, neak bumai, neak beak bumai ngen neak lem laut – siketne kute makhluk neak semesta alam yo – nyanyi, “Si de temot neak das takhta, ngen Sang Anok Bebirai o, adeba tepujai ngen terhormat serto agung ngen bekuaso utuk selamo-lamone!”

WAHYU 5:6

Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.

WAHYU 5:8

Sementaro Anok bebirai o menea awei o, tukupba kepat makhluk ngen keduai puluak pat pemipin o neak adep-Ne. Tobo'o masing-masing megong kecapi ngen makuk mas de isaine kemenyen, adeba du'o-du'o umat Allah.

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.

WAHYU 6:1

Sesudo'o uku kemliak Anok Bebirai o mukok segel pertamoneak antaro ketujuak segel o. Lajau uku temi'uk do kunei ke pat makhluk o madeak, “Maro!” Sa'ei o awei gutua.

WAHYU 7:12

Tobo'o menggang, “Amin! Tepujaiba Allah ite de agung ngen bijaksana. Si patut dapet ucapan-ucapan syukur ngen hormat. Si bekuaso ngen kuet utuk selamo-lamone! Amin.”