WAHYU 4:8 - JANJAI BLAU Lem Bahaso Jang Bebilai

⁸ Kepat makhluk o, masing-masing temuan num sayep, sekelilingne ngen neak peak lemne penuak ngen matai. Lueng kelmen makhluk-makhluk o coa bedan-bedanne nyanyi, “Sucai, sucai, sucaiba Tuhan, Allah Mahakuaso; de ade, de sudo ade, ngen de ade seterusne.”

WAHYU 4:8 ပူးပေါင်းရင်းမြစ်များ

KISAH RASUL-RASUL 20:31

Kerno o bejago-jagoba! Inget bahwo telau taun anne ngen dau bioa matai, pueng kelmen uku coa perneak bedan majea tiep tun kunei udi.

2 KORINTUS 6:18

Ngen Uku bakea jijai Bapanu, ngen udi bakea jijai anok-anok-Ku, semanei ngen anok-anok-Ku selawei awei yo ba firman Tuhan, De Mahakuaso.”

1 TESALONIKA 2:9

Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

1 TIMOTIUS 4:16

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

2 TIMOTIUS 4:2

Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar.

IBRANI 13:8

Yesus Kristus tep serai, baik bel'o, uyo, sapei selamo-lamone.

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,

WAHYU 1:8

“Ukuba de pertamo ngen terakhir,” nadeak Tuhan Allah, de ade, de sudo ade, ngen de ade seterusne, De Mahakuaso.

WAHYU 11:17

Tobo'o madeak, “Tuhan, Allah Mahakuaso, de ade, ngen de sudo ade! Keme mokasiak ngen Ko sebab Ko makei kuaso-Nu de lai, ngen bi muloi meriteak!

WAHYU 14:11

Asep ngen opoi de semikso tun o bakea kasep terus utuk selamo-lamone. Lueng kelmen coa ade bedan-bedanne tobo'o tesikso, adeba tobo'o de nyembeak benatang o ngen patungne, kute tun de temuan tando gen benatang o.”

WAHYU 14:3

Neak adep takhta ngen kepat makhluk serto paro pemipin neak sekeliling takhtane o, sotos pat puluak pat ribau tun o embin legau de blau. Coa su'ang tun kulo dapet belajea legau o seluyen kunei sotos pat puluak pat riba tun de sudo bebas kunei bumai o.

WAHYU 15:3

Ngen tobo'o mbin legau Musa, hamba Allah, ngen legau Anok Bebirai. Awei yo sa'eine, “Tuhan, Allah Maha Kuaso, padeak lai ngen ajaibne perbuatan-perbuatan-Nu! Rajo kute bangso, padeak adea ngen benea tindakan-tindakan-Nu!

WAHYU 15:7

Sesudo'o saleak do kunei pat makhluk o melei ngen ketujuak malaikat o tujuak bueak penan mas de penuak ngen murka Allah, – Allah de idup selamo-lamone.

WAHYU 16:14

Tobo'o adeba roh-roh jahat de menea keajaiban-keajaiban. Ketelau roh o lalau magea kute rajo neak kute dunio ngen kemopoa tobo'o utuk tepua pado Bilai lai, adeba Bilai kunei Allah Mahakuaso.

WAHYU 16:7

Lajau uku temi'uk sa'ei kunei mezbah madeak, “Tuhan, Allah Mahakuaso, benea ngen adeaba ukuman-ukuman de Ko melei!”

WAHYU 19:15

Kunei bibia-Ne keluea debuak pedang de tajem ngen pedang o Si bakea maleak bangsa-bangsa, ngen Si bakea meriteak tobo'o ngen tokot besai. Si bakea miyuak anggur neak lem alat utuk miyuak anggur murka Allah De Mahakuaso.

WAHYU 19:4

Mako keduai puluak pat pemipin ngen kepat makhluk de neak sekeliling takhta o tukup ngen nyembeak Allah de temot neak das takhta. Tobo'o madeak, “Amin! Pujaiba Allah!”

WAHYU 21:22

Uku coa kemliak Bait Sucai neak lem kota o, sebab Bait Sucaine adeba Tuhan su'ang, Allah De Mahakuaso, ngen Anok Bebirai o.

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.

WAHYU 4:4

Lem betuk lingkaran sekeliling takhta o ade duai puluak pat takhta de luyen. Neak di temot duai puluak pat pemipin de makei keracok putiak, ngen makei mahkota mas.

WAHYU 4:6

Ade kulo neak adep takhta o sesuaktau de keten awei lautan kaco, bening awei kristal. Neak sekeliling takhta, tiep bidingne, ade pat makhluk, de rogok adep ngen rogok belakangne penuak ngen matai.

WAHYU 4:9

Kepat makhluk o mbin legau pujian, hormat ngen syukur ngen Si de temot neak takhta o, adeba Si de idup utuk selamo-lamone. Ngen pado waktau makhluk-makhluk o nyanyi,

WAHYU 5:6

Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.

WAHYU 6:1

Sesudo'o uku kemliak Anok Bebirai o mukok segel pertamoneak antaro ketujuak segel o. Lajau uku temi'uk do kunei ke pat makhluk o madeak, “Maro!” Sa'ei o awei gutua.

WAHYU 6:6

Ngen uku temi'uk awei ade sa'ei neak tengeak-tengeak kepat makhluk o madeak, “Deliter gendum de baik gone serai ngen upeak debilai, ngen telau liter gendum jenis luyen gone kulo serai ngen upeak debilai. Tapi jibeak musak pun-pun zaitun ngen anggur!”

WAHYU 7:11

Kute malaikat je kemliling takhta ngen paro pemipin serto kepat makhluk o. Malaikat-malaikat o tukup neak adep takhta lajau nyembeak Allah.

WAHYU 7:15

Do'oba sebabne tobo'o je neak adep takhta Allah. Ngen Si de temot neak das takhta o bakea teko ngen tobo'o utuk jemago tobo'o.