WAHYU 4:5 - JANJAI BLAU Lem Bahaso Jang Bebilai

⁵ Kunei takhta o terpancar cahayo glep ngen keluea sa'ei gutua de kembiak lai. Ngen neak adep takhta o ade tujuak obor de nyala; do'oba ketujuak Roh Allah.

WAHYU 4:5 ပူးပေါင်းရင်းမြစ်များ

MATIUS 25:1

“Amen Anok Manusio teko utuk meriteak, de umpamo awei yo: Ade puluak semulen pengapit pengaten masing-masing tobo'o mok lapu. Lajau lalau semsung pengaten semanei.

MATIUS 3:11

Uku membaptis udi ngen bio'a betando udi bi tobat kunei duso-duso, tapi Si de bakea teko sesudo uku, bakea membaptis Udi ngen opoi ngen Roh Sucai kunei Allah. Si lebiak bekuaso kunei uku. Utuk mbin sepatu-Ne bae uku coa patas.

KISAH RASUL-RASUL 2:3

Ketenba ngen tobo'o dileak-dileak awei opoi de nyebea moi ipe-ipe ngen tetiep tobo'o.

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,

WAHYU 10:3

Lajau si menggang ngen lek awei sa'ei singo.

WAHYU 11:19

Mako tukokba Bait Sucai Allah neak surgo, ngen ketenba Petai Perjanjian neak lemne. Lajau tejijaiba kilat, gutua gemruduk, gepo ngen ujen es de lai.

WAHYU 3:1

“Ngen jemaat neak Sardis, tulisba awei yo: Dioba pesen kunei Si de temuan ketujuak roh kunei Allah ngen ketujuak bitang o. Uku namen jano de udi nea. Nadeakne udi idup, padahal udi matei!

WAHYU 5:6

Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.

WAHYU 8:5

Sesudo'o malaikat o mok pedupaan o, semi'ingne ngen opoi kunei mezbah, lajau melukne moi das bumai. Mako gutua gemruduk, serto glep ngen gepo.