WAHYU 4:11 - JANJAI BLAU Lem Bahaso Jang Bebilai

¹¹ “Ya Tuhan, ya Allah keme! Ko bae de layak temimo pujian, hormat ngen kuaso. Sebab Koba pencipta kute sesuaktau, ngen das kelok-Nu kulo kute sesuaktau o bi tejijai ngen idup.”

WAHYU 4:11 ပူးပေါင်းရင်းမြစ်များ

KISAH RASUL-RASUL 14:15

“Hoi udi kute, getai udi menea awei yo? Keme yo manusio biaso serai awei udi. Keme ade neak yo utuk melei namen Bito Baik ngen udi, supayo udi teminggea hal-hal de coa beguno ngen belek ngen Allah de idup, de sudo cemipto lenget, bumai, laut ngen kute si'ingne.

KISAH RASUL-RASUL 17:24

Allah de sudo jemijai bumai ngen kute si'ingne, Siba Tuhan das lenget ngen bumai, coa tinggea lem umeak-umeak diwo de nea manusio.

ROMA 11:36

Allah de menea kute sesuaktau. Kutene kunei Allah. Kutene utuk Allah. Tepujaiba Allah utuk selamo-lamone! Amin.

EFESUS 3:9

ngen utuk menea kute tun namen awei ipe Allah, pencipta alam semesta yo, kemerjo rencano-Ne de sejok bel'o nunyin-Ne ngen dunio.

IBRANI 1:10

Allah madeak kulo, “Ko, Tuhan, pado mulone jemijai bumai, ngen Ko suang menea lenget.

IBRANI 1:2

Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo.

WAHYU 1:6

ngen jemijai ite bangso khusus imem-imem, de melayan Allah, Bapa-Ne. Yesus Kristus o ba de agung ngen bekuaso utuk selamo-lamone. Amin!

WAHYU 10:6

Si supeak demi Allah de idup selamo-lamone, de jemijai lenget, bumai ngen laut serto kute de ade neak lemne. Malaikat o madeak, “Waktaune coa bakea mondor igai!

WAHYU 14:7

Malaikat o menggang ngen sa'ei de lek, “Sabenba ngen Allah, ngen pujaiba kebesaran-Ne! Sebab bi waktaune Allah mukum manusio. Sembeakba Si de jemijai lenget, bumai, laut ngen kute matai bioa!”

WAHYU 19:1

Sesudo'o uku temi'uk sa'ei awei sa'ei tun dau gidong nyanyi kunei surgo de menggang, “Pujaiba Allah! Allah ite adeba Allah de semlamat; Si Allah de agung ngen bekuaso!

WAHYU 5:12

Ngen tobo'o nyanyi ngen sa'ei de lek, “Anok Bebirai de sudo sembeliak o, layak utuk temimo kuaso, kekayaan, kebijaksanaan ngen kekuatan; Si layak nelei hormat, diagungkan ngen nujai!”

WAHYU 5:2

Lajau uku kemliak suang malaikat de perkasa menggang ngen sa'ei de lek, “Api de layak mukok segel-segel yo ngen mukok bukau yo?”

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.