WAHYU 4:1 - JANJAI BLAU Lem Bahaso Jang Bebilai

¹ Sesudo'o uku dapet kemliak igai. Uku kemliak debueak bang tukok neak surgo. Sesudo'o teni'uk igai sa'ei de mulo-mulone bi miling ngen uku awei sa'ei trupet. Sa'ei o madeak, “Maro kenek mio. Uku bakea kemten ngen udi jano de bakea tejijai be.”

WAHYU 4:1 ပူးပေါင်းရင်းမြစ်များ

MATIUS 3:16

Sesudo dibaptis, Yesus segro keluea kunei lem bio'a. Tibo-tibo lenget tukok ngen Yesus kemliak Roh Sucai kunei Allah tu'un awei burung daro moi das-Ne.

MARKUS 1:10

Waktau Si keluea kunei bioa, Si kemliak lenget tukok ngen Roh Sucai awei burung daro tu'un moi das-Ne.

LUKAS 3:21

Sesudo dibaptis kute tun o, Yesus dibaptis kulo. Ngen waktau Yesus gidong bedu'o, tukokba lenget.

YOHANES 16:13

Tapi amen Si teko, adeba Roh kebenea, Si bakea mipin udi neak lem kute kebenea. Si coa bakea madeak kunei dirai-Ne suang, tapi kute sesuaktau de teni'ukne do'oba de bakea nadeak-Ne ngen Si bakea melei namen ngen udi hal-hal de bakea teko.

KISAH RASUL-RASUL 10:11

Si kemliak lenget tukok, sesuaktau awei kain de libea nulua moi bumai, tegatung pado kepat sudutne.

KISAH RASUL-RASUL 7:56

Nadeak Stefanus, “Keliak, uku kemliak kulo surgo tukok ngen Anok Manusio je neak depeak kanen Allah!”

WAHYU 1:10

Pado bilai Tuhan, uku kenuaso Roh Allah, lajau uku temi'uk sa'ei de lek – awei sa'ei trupet – sa'ei neak belakangku.

WAHYU 1:12

Uku kemliak moi belakang utuk kemliak api de o de miling ngen uku. Lajau uku kemliak tujuak kekea lapu kunei mas.

WAHYU 1:19

Sebab o, tulisba hal-hal de ko kemliak, adeba hal-hal de ade uyo, ngen hal-hal de bakea tejijai.

WAHYU 11:12

Sesudo'o keduai nebai o temi'uk sa'ei lek de menok tobo'o kunei surgo, “Maroba kenek mio!” Lajau neak adep musuak-musuak tobo'o, tobo'o kenek moi surgo, tenutup ngen embun.

WAHYU 11:19

Mako tukokba Bait Sucai Allah neak surgo, ngen ketenba Petai Perjanjian neak lemne. Lajau tejijaiba kilat, gutua gemruduk, gepo ngen ujen es de lai.

WAHYU 16:17

Sesudo'o malaikat ke tujuak temupeak si'ing penanne moi udara. Mako teni'ukba sa'ei de lek kunei takhta neak Bait Sucai, de madeak, “Sudo selsei!”

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.

WAHYU 22:6

Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”