WAHYU 3:7 - JANJAI BLAU Lem Bahaso Jang Bebilai

⁷ “Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.

WAHYU 3:7 ပူးပေါင်းရင်းမြစ်များ

MATIUS 16:19

Uku bakea melei ngen ko kucai kunei dunio belau temuan Allah. Jano de ko temgeak neak das bumai, kulo mbenea neak surgo. Ngen jano de ko mbenea neak das bumai, kulo temgeak neak das surgo.”

MATIUS 24:35

Lenget ngen bumai bakea nyep, tapi Firman-Ku tep selamo-lamone.”

MARKUS 1:24

“Jano Kelok-Nu ngen keme, Yesus tun Nazaret? Jano Ko teko utuk munuak keme? Uku namen api Ko: De Sucai kunei Allah.”

LUKAS 1:32

Si bakea jijai lai ngen bakea senbut Anok Allah De Kembiak lekat. Tuhan Allah bakea jemijai Si rajo awei Rajo Daud, ninik puyang-Ne.

LUKAS 4:34

“Hoi Ko, Yesus tun Nazaret, jano urusan Ko ngen keme? Ko teko lok majua keme? Uku namen api Ko: De Sucai kunei Allah.”

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

KISAH RASUL-RASUL 3:14

Tapi udi bi temulok De Sucai ngen Benea, ngen lok tukang munuak utuk hadiah ngen udi.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

WAHYU 1:11

Sa'ei o madeak, “Tulisba jano de ko kemliak, ngen mboba bukau o ngen ketujuak jemaat yo: Efesus, Smirna, Pergamus, Tiatira, Sardis, Filadelfia, ngen Laodikia.”

WAHYU 1:18

Ukuba Si de idup! Uku bi matei, tapi kemliakba, Uku idup utuk selamo-lamone. Uku bekuaso das matei, ngen das dunio tun matei.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 15:3

Ngen tobo'o mbin legau Musa, hamba Allah, ngen legau Anok Bebirai. Awei yo sa'eine, “Tuhan, Allah Maha Kuaso, padeak lai ngen ajaibne perbuatan-perbuatan-Nu! Rajo kute bangso, padeak adea ngen benea tindakan-tindakan-Nu!

WAHYU 16:7

Lajau uku temi'uk sa'ei kunei mezbah madeak, “Tuhan, Allah Mahakuaso, benea ngen adeaba ukuman-ukuman de Ko melei!”

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.

WAHYU 19:2

Hukuman-Ne adea ngen bijaksana! Si bi melei ukuman ngen selawei nakea de lai, de musak dunio ngen perzinahanne. Allah sudo mukum selawei nakea o, sebab si munuak hamba-hamba Allah.”

WAHYU 2:1

“Ngen malaikat jemaat neak Efesus, tulisba awei yo: Dioba pesen kunei Si de megong ketujuak bitang pado tangen kanen-Ne, ngen paneu neak antaro ketujuak kekea lapu mas o.

WAHYU 21:5

Lajau Si de temot neak das takhta o madeak, “Uyo Uku bi menea kutene blau!” Si madeak kulo ngen uku, “Tulisba dio, sebab kecek-kecek yo benea ngen dapet cayo.”

WAHYU 3:14

“Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.

WAHYU 4:8

Kepat makhluk o, masing-masing temuan num sayep, sekelilingne ngen neak peak lemne penuak ngen matai. Lueng kelmen makhluk-makhluk o coa bedan-bedanne nyanyi, “Sucai, sucai, sucaiba Tuhan, Allah Mahakuaso; de ade, de sudo ade, ngen de ade seterusne.”

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.

WAHYU 6:10

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?”