WAHYU 3:18 - JANJAI BLAU Lem Bahaso Jang Bebilai

¹⁸ Sebab o Uku melei nasihat udi supayo temukua kunei pado-Ku mas, adeba mas de murni, supayo udi jijai kayo. Nukuaba kulo keracok putiak kunei pado-Ku supayo udi makei keracok ngen temutup awok udi de beleseng ngen nyelek. Ngen mukuaba kulo ubet utuk nusep neak matainu supayo udi dapet ngeliak.

WAHYU 3:18 ပူးပေါင်းရင်းမြစ်များ

MATIUS 13:44

“Amen Allah meriteak, keadaanne awei perumpamo yo: Ade harto de tependam neak pitok lajau tenmau ngen su'ang tun, ngen nasuk igai hartone moi lem pitok. Sudo'o kerno kembiak riangne, tun'o lalau jemuea kute hartone, lajau belek igai ngen temukua taneak'o.”

MATIUS 25:9

‘Coa nam!’ jawab semulen de pacok, ‘Kerno be ite kute coa temuan genep minyok. Lalauba tukua neak warung.’

LUKAS 12:21

Awei o kulo jijaine ngen tun de kemopoa hok bagiak diraine suang, amen si coa kayo neak adep Allah.”

2 KORINTUS 5:3

Umeak o ba awokte de blau.

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

1 TIMOTIUS 6:18

Meleiba nasihat ngen tobo'o supayo menea de baik, jijai kayo lem plep de baik, mu'eak atei ngen galok melei.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

1 PETRUS 1:7

Tujuanne adeba utuk melei bukti jano udi sungguak-sungguak pecayo ngen Tuhan jano coa. Mas de dapet usak kulo, ntes ngen opoi. Nah, imen udi adeba lebiak bego kunei mas, jijai harus ntes kulo supayo jijai murni. Ngen awei o udi bakea nujai ngen hormat serto nelkat pado bilai Yesus Kristus teko igai.

WAHYU 16:15

“Teni'ukba! Uku teko awei maling! Riangba tun de siap ngen jemago keracokne, sehinggo si coa paneu ngen beleseng ngen jijai selek neak adep tun dau!”

WAHYU 19:8

Keracok linen de kilet sudo nelei ngen si utuk nakei.” (Keracok linen o adeba plep-plep baik de nea umat Allah.)

WAHYU 2:9

Uku namen kesaro-kesaro udi; Uku namen udi peset – tapi sebeneane udi kayo! Uku namen fitnahan-fitnahan tobo'o, de madeak diraine tu Yahudi, padahal iso; tobo'o adeba umat Iblis!

WAHYU 3:17

Udi madeak, ‘Keme kayo ngen serbo ade; keme coa kekurangan.’ Tapi udi coa namen bahwo udi kembiak peset ngen kembiak ibo keadaannu! Udi peset, beleseng, ngen sutai.

WAHYU 4:4

Lem betuk lingkaran sekeliling takhta o ade duai puluak pat takhta de luyen. Neak di temot duai puluak pat pemipin de makei keracok putiak, ngen makei mahkota mas.

WAHYU 7:13

Suang kunei pemipin-pemipin o betanye ngen uku, “Tun-tun de makei jubah putiak yo, api tobo'o ngen kunei ipe tobo'o teko?”