WAHYU 3:15 - JANJAI BLAU Lem Bahaso Jang Bebilai

¹⁵ Uku namen jano de udi nea; Uku namen udi coa sengok ngen coa kulo panes. Seharusne udi o sengok atau panes!

WAHYU 3:15 ပူးပေါင်းရင်းမြစ်များ

MATIUS 10:37

Tun de kemasiak bak atau makne lebiak kunei Uku, coa patut jijai penotoa-Ku. Awei'o kulo tun de kemasiak anokne semanei atau selawei lebiak kunei Uku.

MATIUS 24:12

Plep kidek bakea makok kembiak luea biaso sapei tun dau coa nam igai mengasiak.

MATIUS 6:24

“Coa ade do tun dapet kerjo ngen duai tuan. Sebab si lebiak mengasiak de do kunei de luyen atau si lebiak setia ngen tuan de do kunei pado de luyen. Awei yo kulo ngen udi. Udi coa dapet kerjo utuk Allah ngen harto.

ROMA 12:11

Bekerjoba ngen rajin, jibeak malas. Bekerjoba utuk Tuhan ngen semangat kunei Roh Allah.

1 KORINTUS 16:22

Tun de coa kemasiak Tuhan, kunyauba si tekutuk! Maranatha – Tuhan keme, tekoba!

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

FILIFI 1:9

Dioba du'oku utuk udi: semoga udi tambeak mengasihi Allah ngen sesamo lem pengetahuan de benea ngen pandangan de bijaksana.

2 TESALONIKA 1:3

Keme Wajib bogoa mucep syukur ngen Allah kerno udi, Saudaro-saudaro. Ngen memang sepatutne keme menea awei o, sebab udi tambeak pecayo ngen Kristus, ngen udi tambeak mengasihi do ngen de luyenne.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

WAHYU 2:2

Uku namen jano de udi nea: Udi kerjo keras ngen udi kembiak sabar. Uku namen bahwo udi coa melei atei ngen tun jahat. Ngen tun-tun makau diraine rasul padahal iso, sudo udi ntes, ngen udi namen bahwo tobo'o mike.

WAHYU 2:4

Tapi dio keberatan-Ku teadep udi: Udi coa igai mengasiak Uku awei semulo.

WAHYU 3:1

“Ngen jemaat neak Sardis, tulisba awei yo: Dioba pesen kunei Si de temuan ketujuak roh kunei Allah ngen ketujuak bitang o. Uku namen jano de udi nea. Nadeakne udi idup, padahal udi matei!

WAHYU 3:16

Tapi udi antaro panes ngen sengok; panes coa, sengok kulo coa. Do'o sebabne udi bakea Uku muntahkan kunei bibia-Ku