WAHYU 3:14 - JANJAI BLAU Lem Bahaso Jang Bebilai

¹⁴ “Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.

WAHYU 3:14 ပူးပေါင်းရင်းမြစ်များ

YOHANES 1:3

Kute sesuatau jenijai ngen Si coa gen Si coa ade suatu kulo de sudo jijai kunei kute de sudo jenijai.

YOHANES 8:14

Jawab Yesus, “Uku besaksai tetang dirai-Ku suang, tapi saksai-Ku o benea, sebab Uku namen, kunei ipe Uku teko ngen moi ipe Uku lalau. Udi coa namen kunei ipe Uku teko ngen moi ipe Uku lalau.

2 KORINTUS 1:20

Sebab liwet Si Allah bi madeak “Au” teadep kute janjai-Ne. Kerno o ba ite mucep “Amin” ngen Allah kerno Yesus Kristus. Keme menea awei o supayo Allah mulio.

KOLOSE 1:15

Kristus adeba gambar de nyato kunei dirai Allah de coa keten; Kristus adeba anok tuai, Siba de lebiak utamo lem kute sesuaktau.

KOLOSE 1:18

Siba ulau kunei awok-Ne, adeba jemaat, kerno Siba sumber kehidupan jemaat o. Siba anok de tuai, de pertamo-pertamo nidup igai kunei matei, supayo Si suang bae de jijai de paling peting kunei kute sesuaktau.

KOLOSE 2:1

Uku lok udi namen awei ipe sarone uku berjuang utuknu ngen utuk tobo'o de neak Laodikia serto kute de coa kemnal uku seca'o pribadi.

KOLOSE 4:16

Sesudo su'et yo nebaco ngen udi, usahoba supayo do'o mbaco kulo ngen jemaat neak Laodikia. Awei o kulo udi suang harus mbaco su'et de bakea mbo kunei Laodikia ngen udi.

WAHYU 1:11

Sa'ei o madeak, “Tulisba jano de ko kemliak, ngen mboba bukau o ngen ketujuak jemaat yo: Efesus, Smirna, Pergamus, Tiatira, Sardis, Filadelfia, ngen Laodikia.”

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.

WAHYU 2:1

“Ngen malaikat jemaat neak Efesus, tulisba awei yo: Dioba pesen kunei Si de megong ketujuak bitang pado tangen kanen-Ne, ngen paneu neak antaro ketujuak kekea lapu mas o.

WAHYU 21:6

Lajau Si madeak, “Bi selsei! Ukuba Tuhan kunei Pertamo ngen Terakhir; Ukuba Tuhan kunei mulo sapei akhir. Tiep tun de haus, bakea Uku melei bioa ngen cuma-cuma kunei matai bioa de melei idup.

WAHYU 22:13

Ukuba de pertamo ngen terakhir; Ukuba Tuhan kunei Pertamo sapei Terakhir.”

WAHYU 22:6

Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.