WAHYU 3:11 - JANJAI BLAU Lem Bahaso Jang Bebilai

¹¹ Uku segro teko! Jagoba baik-baik jano de udi temuan, supayo coa suang kulo mok hadiah kemenangannu.

WAHYU 3:11 ပူးပေါင်းရင်းမြစ်များ

1 KORINTUS 9:25

Tiep tun de gidong latihan, tema'en dirai lem kute hal. Si menea o kerno si lok dapet hadiah. Hadiah o coa taen an. Tapi ite yo temaen dirai lem kute hal kerno ite lok hadiah de taen an.

FILIFI 4:5

Lokba kute tun dapet kemliak sikep udi de baik atei. Sebab coa an igai Tuhan bakea teko.

2 TIMOTIUS 2:5

Suang olahragawan coa bakea jijai juaro neak lem pertandingan, amen si coa taat ngen peraturan-peraturan.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

YAKOBUS 5:9

Jibeakba gerunyam ngen saling nyaleak, supayo udi coa hukum Allah. Inget! Hakim bi pa'ok, siap utuk teko.

WAHYU 1:3

Riangba tun de mbaco ngen tun de temi'uk bito tetang bukau yo serto taat ngen jano de tetulis neak lemne. Sebab coa an igai kutene yo bakea tejijai.

WAHYU 16:15

“Teni'ukba! Uku teko awei maling! Riangba tun de siap ngen jemago keracokne, sehinggo si coa paneu ngen beleseng ngen jijai selek neak adep tun dau!”

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 2:13

Uku namen neak ipe udi tinggea, neak penan Iblis tinggea. Udi setia ngen Uku. Mala ketiko Antipas, saksai Uku de setia o, nunuak neak adep udi neak penean Iblis tinggea, udi coa murtad bahwo udi pecayo ngen Uku.

WAHYU 2:25

Tapi sapei waktau Uku teko be, lokba udi tep temotoa jano de sudo udi temuan.

WAHYU 22:12

“Kemliakba dio!” nadeak Yesus, “Coa an igai uku bakea teko ngen mbin upeak utuk males tiep tun temotoa jano de sudo nea ne.

WAHYU 22:20

Si de melei namen kute bito yo madeak, “Benea, Uku bakea segero teko!” Amin! Tekoba, ya Tuhan Yesus!

WAHYU 22:7

“Kemliakba dio!” nadeak Yesus, “Uku bakea segero teko. Riangba tun de ta'at ngen kecek-kecek nubuat lem kiteb yo!”

WAHYU 3:3

Jijai, tingetba igai ngen jano de sudo najea ngen udi bel'o ngen jano de sudo udi teni'uk. Temotoaba do'o ngen tobatba kunei duso-duso udi. Amen udi coa kelongon, uku bakea teko ngen udi awei maling; ngen udi coa bakea namen tengen waktaune Uku teko.

WAHYU 4:10

keduai puluak pat pemipin o tukup neak adep tun de temot neak takhta o, lajau nyembeak Si de idup selamo-lamone. Sesudo'o tobo'o muang mahkota-mahkota tobo'o neak adep takhta o serto madeak,

WAHYU 4:4

Lem betuk lingkaran sekeliling takhta o ade duai puluak pat takhta de luyen. Neak di temot duai puluak pat pemipin de makei keracok putiak, ngen makei mahkota mas.