WAHYU 3:10 - JANJAI BLAU Lem Bahaso Jang Bebilai

¹⁰ Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.

WAHYU 3:10 ပူးပေါင်းရင်းမြစ်များ

MATIUS 24:14

Ngen Bito Baik tetang kero Allah meriteak bakea ke nabar moi kute dunio supayo kute tun temi'ukne. Sesudo'o kiamat teko.”

MATIUS 26:41

Bejago-jagoba, ngen beduoba ngen Allah, supayo udi coa bakea tegoda. Rohnu lok taat, tapi udi coa sanggup kerno sifet manusio'o lemah.”

MATIUS 6:13

Jibeak muyau keme coa pecayo waktau keme cenuba. tapi ne'uakba keme kunei kuaso Iblis. [Koba Rajo de kuaso ngen mulio utuk selamone. Amin.]’

MARKUS 14:9

Sesungguakne Uku madeak ngen udi: Neak ipe bae Bito Baik semiar neak kute dunio, jano de neane yo bakea senebut kulo utuk minget si.”

LUKAS 2:1

Pado waktau o Kaisar Agustus kemluea do periteak, meluak sensus kute tun neak dunio.

YOHANES 17:6

Uku bi kemnal Bapa ngen kute tun de Ko melei ngen-Ku kunei dunio. Tobo'o adeba Bapa temuan. Bapa bi melei tobo'o ngen-Ku ngen tobo'o bi temotoa firman-Nu.

ROMA 1:8

Pertamo-tamo liwet Yesus Kristus, uku mucep syukur ngen Allah kerno Saudaro-saudaro kutene, sebab kute dunio bi temi'uk bahwo udi pecayo nien ngen Kristus.

1 KORINTUS 10:13

Tiep cobaan de Saudaro meding adeba cobaan de patut ending manusio. Tapi Allah setia pado janjai-Ne. Si coa bakea munyau Saudaro cemubo lebiak kunei kemampuannu. Pado waktau Saudaro dapet cobaan, Tuhan bakea melei dalen ngen ko utuk jijai kuet supayo Saudaro dapet betaen.

EFESUS 6:13

Sebab o mokba kute perlengkapan senjato Allah, supayo udi dapet menea perlawanan pado bilai de kidek o ngen tep je, sesudo udi semlesei kute sesuaktau.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

YAKOBUS 3:12

Saudaro-saudaroku, pun ara coa dapet masea bueak zaitun, pun aggur coa dapet maseak bueak ara. Matai bioa de mesin coa dapet kulo ngeluea bioa tawea.

1 PETRUS 4:12

Saudaro-saudaro de tecito! Udi uyo kembiak menderita kerno dong nujai. Tapi jibeakba meraso sele, seolah-olah ade sesuaktau de luea biaso tejijai ngenko.

2 PETRUS 2:9

Jijai, Tuhan namen awei ipe semlamat tun-tun de temurut kelok-Ne amen tobo'o madep cobaan-cobaan. Ngen Tuhan namen awei ipe menea tun-tun de jahat utuk senikso pado Bilai Pengadilan,

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 11:10

Penduduk bumai bakea beriang das kematei keduai saksai o. Tobo'o bakea merayokanne ngen saling mbo hadiah, kerno keduai tun nebai o sudo menea dau sikso ngen kute tun neak bumai.

WAHYU 13:10

“Tun de harus nukum, bakea nukum. Ngen tun de harus nunuak ngen pedang, bakea nunuak ngen pedang. Do'oba sebabne umat Allah harus sabar ngen setia.”

WAHYU 13:14

Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 14:12

Lem hal yo umat Allah de taat ngen periteak-periteak Allah de setia ngen Yesus, perlu jijai tabah.

WAHYU 14:6

Lajau uku kemliak suang malaikat luyen de tebang lekat neak lenget. Malaikat o mbin bito tetang Bito Baik de abadi utuk senapei ngen manusio neak bumai adeba ngen kute bangsa, suku, bahaso ngen negara.

WAHYU 16:14

Tobo'o adeba roh-roh jahat de menea keajaiban-keajaiban. Ketelau roh o lalau magea kute rajo neak kute dunio ngen kemopoa tobo'o utuk tepua pado Bilai lai, adeba Bilai kunei Allah Mahakuaso.

WAHYU 17:2

Rajo-rajo dunio menea zinah ngen si, ngen penghuni bumai jijai mabuk kerno mbuk anggur perzinahanne.”

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 3:8

Uku namen jano de udi nea. Uku namen bahwo udi coa kuet; udi bi temotoa ajaran-Ku, setia ngen Uku. Utuk udi bi Uku mukok bang, de coa dapet nukok api bae.

WAHYU 6:10

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?”

WAHYU 8:13

Lajau uku kemliak, mako uku temi'uk dikup burung rajowali de gidong tebang lekat neak udaro, menggang, “Celako! Celako! Celakoba kute tun neak bumai amen temi'uk ketelau malaikat luyenne kembus trupetne be!”