WAHYU 3:1 - JANJAI BLAU Lem Bahaso Jang Bebilai

¹ “Ngen jemaat neak Sardis, tulisba awei yo: Dioba pesen kunei Si de temuan ketujuak roh kunei Allah ngen ketujuak bitang o. Uku namen jano de udi nea. Nadeakne udi idup, padahal udi matei!

WAHYU 3:1 ပူးပေါင်းရင်းမြစ်များ

LUKAS 15:24

Sebab anokku yo bi matei ngen jijai idup igai, si bi nyep ngen dapet igai.’ Mako muloiba tobo'o beriang.

LUKAS 15:32

Ite patut besukocito ngen beriang, kerno asuaknu bi matei ngen jijai idup igai, si bi nyep ngen uyo temau igai.’ ”

YOHANES 1:16

Kerno kunei kepenuhan-Ne ite kute bi tenimo anugrah demi anugrah.

YOHANES 1:33

Waktau'o kulo uku coa kemnal Si. Tapi Si, de nutus uku utuk membaptis ngen bioa, sudo berfirman ngen uku, ‘Amen ko kemliak Roh'o tu'un moi das suang tun ngen tinggea neak das-Ne, Siba de bakea membaptis ngen Roh Sucai.’

YOHANES 20:22

Sesudo madeak awei o, Si kembus tobo'o ngen madeak, “Temimoba Roh Sucai.

YOHANES 3:34

Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

KISAH RASUL-RASUL 2:33

Sesudo Si nelekat ngen tangen kanen Allah ngen temimo kunei Bapa, Roh Sucai de jenanjai o, mako nelei-Ne Roh o awei de udi kemliak ngen temi'uk neak yo.

EFESUS 2:1

Udi bel'o bi matei kerno pelanggaran-pelanggaran ngen duso-duso udi.

EFESUS 2:5

sehinggo pado waktau ite masiak matei seca'o rohani kerno pelanggaran pelanggaran ite, Si midup ite igai besamo-samo Kristus. Jijai, cuma kerno baikne atei Allah, udi senlamat-Ne.

KOLOSE 2:13

Bel'o udi bi matei seca'o rohani kerno bi beduso, ngen kerno udi coa senunat seca'o laher. Tapi uyo Allah midup udi besamo-samo Kristus. Allah bi mapun kute duso te,

1 TIMOTIUS 5:6

Tapi rando de bi idup senang-senang, bi matei kunyau si masiak idup.

YAKOBUS 2:26

Nah, awei awok tanpa roh adeba awok de matei, awei o kulo imen tapi coa kenerjone adeba imen de matei.

1 PETRUS 1:11

Tobo'o semlidik awei ipe ngen tengen hal o bakea terjijai, maksudne adeba Roh Kristus de ade neak lem dirai tobo'o. Pado waktau o Roh-Ne berfirman ngen tobo'o tetang penderitaan-penderitaan de harus nding Kristus ngen tetang keagungan-Ne de bakea semsung sesudo o.

YUDAS 1:12

Pado waktau udi menea pesta, sikep tun-tun o menea udi muak. Sebab tobo'o kembiak jelen mukmei, coa selek-selek, cuma meting diraine suang. Tobo'o awei embun de kembus angin, tapi coa temu'un ujen. Tobo'o kulo awei pun de coa ade bueakne kunyau musim bueak; pun-pun de sudo cenabut baletne ngen de sudo matei.

WAHYU 1:11

Sa'ei o madeak, “Tulisba jano de ko kemliak, ngen mboba bukau o ngen ketujuak jemaat yo: Efesus, Smirna, Pergamus, Tiatira, Sardis, Filadelfia, ngen Laodikia.”

WAHYU 1:16

Tangen kanen-Ne megong tujuak bitang, ngen kunei bibia-Ne keluea debueak pedang tajem de bematai duai. Papea-Ne bersinar awei matai bilai pado tengeak bilai

WAHYU 1:20

Dioba resio kunei tujuak bitang de udi kemliak neak tangen kanen-Ku, ngen kunei tujuak kekea lapu mas o: Tujuak bitang o adeba paro malaikat ketujuak jemaat, ngen tujuak kekea lapu o adeba ketujuak jemaat o.”

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,

WAHYU 2:13

Uku namen neak ipe udi tinggea, neak penan Iblis tinggea. Udi setia ngen Uku. Mala ketiko Antipas, saksai Uku de setia o, nunuak neak adep udi neak penean Iblis tinggea, udi coa murtad bahwo udi pecayo ngen Uku.

WAHYU 2:19

Uku namen kute de udi nea – Uku namen udi mengasiak sesamo udi, udi setia, udi bekerjo, ngen udi tabah menderita. Uku namen udi uyo bekerjo lebiak dau kunei bel'o.

WAHYU 2:2

Uku namen jano de udi nea: Udi kerjo keras ngen udi kembiak sabar. Uku namen bahwo udi coa melei atei ngen tun jahat. Ngen tun-tun makau diraine rasul padahal iso, sudo udi ntes, ngen udi namen bahwo tobo'o mike.

WAHYU 2:9

Uku namen kesaro-kesaro udi; Uku namen udi peset – tapi sebeneane udi kayo! Uku namen fitnahan-fitnahan tobo'o, de madeak diraine tu Yahudi, padahal iso; tobo'o adeba umat Iblis!

WAHYU 3:15

Uku namen jano de udi nea; Uku namen udi coa sengok ngen coa kulo panes. Seharusne udi o sengok atau panes!

WAHYU 3:2

Sebab o, kelongonba, kenuetba jano de masiak ade ngen udi ayok do'o matei samo sekilai. Sebab uku dapet bahwo jano de udi nea, ati ade do kulo de sempurno neak adep Allah.

WAHYU 3:8

Uku namen jano de udi nea. Uku namen bahwo udi coa kuet; udi bi temotoa ajaran-Ku, setia ngen Uku. Utuk udi bi Uku mukok bang, de coa dapet nukok api bae.

WAHYU 4:5

Kunei takhta o terpancar cahayo glep ngen keluea sa'ei gutua de kembiak lai. Ngen neak adep takhta o ade tujuak obor de nyala; do'oba ketujuak Roh Allah.

WAHYU 5:6

Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.