WAHYU 22:6 - JANJAI BLAU Lem Bahaso Jang Bebilai

⁶ Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”

WAHYU 22:6 ပူးပေါင်းရင်းမြစ်များ

MATIUS 13:41

Anok Manusio bakea meluak malaikat-malaikat-Ne kemopoa umat-Ne kute de sembab tun menea duso, ngen kute tun luyenne de menea hal-hal de jahat.

LUKAS 1:70

– De mena'o liwet nebai-nebai piliak-Ne, Tuhan bi melei janjai-Ne –

LUKAS 16:16

Ukum de nelei ngen Musa ngen ajaran nebai-nebai, tep belakau sapei pado maso Yohanes Pembaptis. Sejok waktau o Bito Baik tetang awei ipe Allah meriteak awei Rajo nelei bito bogoa. Ngen tun mekuak dirai utuk jijai anggota umat Allah.

KISAH RASUL-RASUL 12:11

Sesudo sadar, Petrus madeak, “Uyo namenba uku benea-benea bahwo Tuhan bi meluak malaikat-Ne ngen semlamat uku kunei tangen Herodes, kunei kute sesuatau de naep tun Yahudi.”

KISAH RASUL-RASUL 3:18

Kerno'oba tejijai kulo jano de sudo Allah melei namen bel o liwet kute nebai-nebai-Ne, bahwo Rajo Penyelamat de jenanjai o arus mendrita.

ROMA 1:2

Bito Baik o sudo jenanjai-Ne ayokne liwet nebai-nebai-Ne lem Kiteb Sucai.

1 KORINTUS 14:32

Karunio kunei Roh utuk semapei bito kunei Allah berade neak beak kuaso tun de semapei bito o.

1 KORINTUS 7:29

Maksud uku awei yo, Saudaro-saudaro: Ite coa dau waktau igai. Muloi kunei uyo, tiep tun de sudo ade pengaten selawei lokba si idup awei coa gen pengaten selawei;

2 TESALONIKA 1:7

Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

IBRANI 12:9

Ite temuan bapok neak dunio. Si majea ite, ngen ite menghormati ne. Jano igai te'adep Bapa rohani ite de neak surgo, paset ite harus lebiak igai tunduk ngen-Ne supayo ite idup.

2 PETRUS 1:21

Sebab, coa perneak pesen kunei Allah nelei namen cuma das kelok manusio. Tapi Roh Allah kemuaso tun utuk semapei pesen kunei Allah suang.

2 PETRUS 3:2

Uku meluak supayo udi minget ngen kecek-kecek de bel'o nadeak nebai-nebai Allah, ngen periteak kunei Tuhan, Rajo Penyelamat, de senapei ngen udi liwet rasul-rasul.

WAHYU 1:1

Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 18:20

Hai surgo, riangba das ajuane kota o! Hai umat Allah, rasul-rasul, ngen nebai-nebai, riang ba! Sebab Allah sudo mukum si sebagai pembalasan das jano de neane teadep udi!

WAHYU 19:9

Lajau malaikat o madeak ngen uku, “Tulisba dio: ‘Riangba tun de nundang moi pesta nikeak Anok Bebirai o.’ ” Sesudo'o malaikat o temambeak kulo, “Dioba bito benea kunei Allah.”

WAHYU 21:5

Lajau Si de temot neak das takhta o madeak, “Uyo Uku bi menea kutene blau!” Si madeak kulo ngen uku, “Tulisba dio, sebab kecek-kecek yo benea ngen dapet cayo.”

WAHYU 21:9

Do kunei antaro ketujuak malaikat de sudo megong penan-penan de penuak ngen ketujuak bencano terakhir o teko ngen uku ngen madeak, “Maro! Uku bakea kemten ngen udi pengaten selawei, adeba pengaten selawei Anok Bebirai.”

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 22:16

“Uku, Yesus, sudo mbo malaikat-Ku ngen udi supayo si melei namen hal-hal yo utuk kepentinggan jemaat-jemaat. Uku yo royot Daud; Ukuba Bitang Timur de te'ang o.”

WAHYU 22:7

“Kemliakba dio!” nadeak Yesus, “Uku bakea segero teko. Riangba tun de ta'at ngen kecek-kecek nubuat lem kiteb yo!”

WAHYU 4:1

Sesudo'o uku dapet kemliak igai. Uku kemliak debueak bang tukok neak surgo. Sesudo'o teni'uk igai sa'ei de mulo-mulone bi miling ngen uku awei sa'ei trupet. Sa'ei o madeak, “Maro kenek mio. Uku bakea kemten ngen udi jano de bakea tejijai be.”