WAHYU 22:5 - JANJAI BLAU Lem Bahaso Jang Bebilai

⁵ Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.

WAHYU 22:5 ပူးပေါင်းရင်းမြစ်များ

MATIUS 19:28

Yesus madeak ngen tobo'o, “Pecayoba: Neak dunio de Belau, Anok Manusio bakea temot neak das kersaine de mulio utuk meriteak. Pado waktau'o udi de penotoa-penotoa-Ku bakea temot neak das keduai belas kersai penan Uku meriteak ngen makim keduai belas sukau bangso Israel!

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

ROMA 5:17

Sebab, amen kerno duso do tun, maut bi be kuaso kerno do tun o, mako lebiak benea igai tobo'o, de sudo temimo kelimpahan kasih karunia ngen anugrah kebenaran, bakea idup ngen bekuaso kerno do tun o, adeba Yesus Kristus.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

WAHYU 11:15

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

WAHYU 18:23

Tun coa bakea kemliak igai cahayo lapu neak lem udi; ngen coa bakea kulo teni'uk keramaian pesta nikeak neak di. Pedagang-pedagangnu adeba tun-tun de paling terkemuko neak bumai, ngen lemau-lemau gaibnu ko mike kute bangso neak dunio!”

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 20:6

Riangba tun-tun de nidup igai lem tahap pertamo o. Tobo'o patas jijai de Allah temuan. Kematian tahap keduai coa bekuaso das tobo'o. Tobo'o bakea jijai imem-imem Allah ngen imem-imem Kristus. Ngen tobo'o bakea meriteak besamo Si seribau taun anne.

WAHYU 21:11

Kota o penuak ngen kemulioan Allah ngen cahayone serai awei butau permata, awei butau baiduri panden de jeniak awei kristal.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.