WAHYU 22:19 - JANJAI BLAU Lem Bahaso Jang Bebilai

¹⁹ Ngen amen tun kemu'ang sesuaktau kunei kecek-kecek nubuat yo, mako Allah kulo bakea kemu'ang bagianne de tenulis lem kiteb yo – adeba bagian kunei pun kehidupan ngen kunei kota sucai o.

WAHYU 22:19 ပူးပေါင်းရင်းမြစ်များ

LUKAS 11:52

Celako udi, hoi gu'au-gu'au agamo. Sebab udi bi mok kucai lemau; udi suang coa masuk moi lem ngen tun de berusaho utuk masuk moi lem udi temgeak!”

WAHYU 1:3

Riangba tun de mbaco ngen tun de temi'uk bito tetang bukau yo serto taat ngen jano de tetulis neak lemne. Sebab coa an igai kutene yo bakea tejijai.

WAHYU 11:2

Tapi jibeakba nukua latet neak depeak luea Bait Sucai Allah o, sebab bagian o bi senreak ngen tun-tun de coa kemnal Tuhan. Tobo'o bakea melat Kota de Sucai o selamo pat puluak duai bulen.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 14:13

Lajau uku temi'uk sa'ei kunei surgo madek, “Tulisba dio: Muloi uyo, riangba tun-tun de matei waktau dong melayan Tuhan!” “Benea!” jawab Roh Allah. “Tobo'o bakea bedan kerjo keras, kerno asea pelayanan tobo'o bakea semerto tobo'o.”

WAHYU 2:11

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang si coa bakea saro kerno kematian de keduai.”

WAHYU 2:26

Tobo'o de menang, ngen sapei akhir bogoa menea jano de Uku lok, bakea Uku melei kuaso de serai awei de Uku temimo kunei Bapa-Ku. Tobo'o bakea temimo kuaso kunei Uku utuk meriteak bangso-bangso ngen tokot besai, ngen utuk majua bangso-bangso o awei ko'on kunei pitok.

WAHYU 2:7

Api dapet temi'uk, lokba temi'uk jano de nadeak Roh Allah ngen jemaat-jemaat! Tobo'o de menang, bakea Uku melei izin mbuk bueak kunei pun kehidupan de idup neak surgo.”

WAHYU 21:2

Mako uku kemliak kota sucai o, adeba Yerusalem de blau, tu'un kunei surgo kunei Allah. Kota o bi seniap awei pengaten selawei nrias utuk magea matenne.

WAHYU 21:5

Lajau Si de temot neak das takhta o madeak, “Uyo Uku bi menea kutene blau!” Si madeak kulo ngen uku, “Tulisba dio, sebab kecek-kecek yo benea ngen dapet cayo.”

WAHYU 22:12

“Kemliakba dio!” nadeak Yesus, “Coa an igai uku bakea teko ngen mbin upeak utuk males tiep tun temotoa jano de sudo nea ne.

WAHYU 22:2

Neak tengeak-tengeak dalen neak kota o, adeba neak seb'ang bioa o, ade pun-pun kehidupan de bebuak duai belas kilai lem de taun, adeba bulen debat. Daunne nakei utuk kemaen bangsa-bangsa.

WAHYU 22:7

“Kemliakba dio!” nadeak Yesus, “Uku bakea segero teko. Riangba tun de ta'at ngen kecek-kecek nubuat lem kiteb yo!”

WAHYU 3:12

Tun de menang, Uku jemijai sebagai tiang lem Umeak Sucai Allah-Ku, ngen si bakea tinggea neak penan o selamo-lamone. Gen Allah-Ku, gen kota Allah-Ku – adeba Yerusalem blau de bakea tu'un kunei surgo, kunei Allah-Ku – bakea Uku temulis neak dirai tun o. Kulo gen-Ku de blau bakea Uku temulis neak diraine.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.