WAHYU 22:18 - JANJAI BLAU Lem Bahaso Jang Bebilai

¹⁸ Ngen tiep tun de temi'uk kecek-kecek nubuat lem kiteb yo, uku, Yohanes, melei peringatan yo: amen tun temambeak suaktau ngen kecek-kecek nubuat yo, mako Allah bakea temambeak ukuman tun o ngen bencano-bencano de tetulis lem kiteb yo.

WAHYU 22:18 ပူးပေါင်းရင်းမြစ်များ

MATIUS 15:13

Yesus jemawab, “Tiep tanem de coa tenanem Bak-Ku neak surgo bakea cenabut.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

1 TESALONIKA 4:6

Lem hal awei o, jibeakba suang tun kulo menea saleak ngen Saudarone, atau mikene. Bel'o keme bi melei peringatan ngen udi, bahwa Tuhan bakea mukum tun-tun de menea saleak awei o.

WAHYU 1:3

Riangba tun de mbaco ngen tun de temi'uk bito tetang bukau yo serto taat ngen jano de tetulis neak lemne. Sebab coa an igai kutene yo bakea tejijai.

WAHYU 15:1

Sesudo'o uku kemliak neak lenget sesuaktau de ajaib ngen luea biaso lai ne. Ade tujuak malaikat ngen tujuak bencano de terakhir. Dioba akhir murka Allah.

WAHYU 15:6

Lajau ketujuak malaikat ngen ketujuak bencano o kelua kunei Bait Sucai. Keracok tobo'o kunei kain linen de bersi ngen gemilep. Ngen tobo'o makei tutup dado de nea kunei mas.

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 20:15

Tun-tun de genne coa tetulis neak lem Bukau Tun Idup, nuang moi lem lautan opoi.

WAHYU 22:10

Lajau si madeak igai, “Jibeakba nunyin kecek-kecek nubuat lem kiteb yo, sebab bi pa'ok waktaune kutene bakea tejijai.

WAHYU 22:16

“Uku, Yesus, sudo mbo malaikat-Ku ngen udi supayo si melei namen hal-hal yo utuk kepentinggan jemaat-jemaat. Uku yo royot Daud; Ukuba Bitang Timur de te'ang o.”

WAHYU 22:7

“Kemliakba dio!” nadeak Yesus, “Uku bakea segero teko. Riangba tun de ta'at ngen kecek-kecek nubuat lem kiteb yo!”

WAHYU 22:9

tapi si madeak ngen uku, “Jibeak! Jibeak nyembeak uku! Senbeakba Allah! Sebab uku kulo hamba awei udi, ngen awei saudaro-saudaronu paro nebai ngen kute tun de taat ngen pesen-pesen lem kiteb yo!”

WAHYU 3:14

“Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.