WAHYU 22:16 - JANJAI BLAU Lem Bahaso Jang Bebilai

¹⁶ “Uku, Yesus, sudo mbo malaikat-Ku ngen udi supayo si melei namen hal-hal yo utuk kepentinggan jemaat-jemaat. Uku yo royot Daud; Ukuba Bitang Timur de te'ang o.”

WAHYU 22:16 ပူးပေါင်းရင်းမြစ်များ

MATIUS 1:1

Dioba tembo Yesus Kristus, turunan Daud, turunan Abraham. Kunei Abraham sapei Daud, gen-gen tembo Yesus Kristus adeba:

MATIUS 2:2

Tobo'o betanye neak kute penan, “Janokah kumu namen penan Cupik de bakea jijai rajo tun Yahudi'o? Keme bi kemliak bitang de jijai tando-Ne neak timur. Kerno'o keme teko utuk sembeak Si.”

MATIUS 22:42

“Jano pedapet udi tetang Rajo Penyelamat? Anok api Si?” “Anok Daud,” tobo'o madeak.

MATIUS 22:45

Jijai amen Daud senbut Rajo Penyelamat'o ‘Tuhan’, awei ipe mukin Rajo Penyelamat'o Anok Daud?”

LUKAS 1:78

Tuhan ite baik atei ngen penyayang; Si teko utuk semlamat ite. Awei Matai bilai pueng kunei penan de lekat,

LUKAS 20:44

Jijai amen Daud sembut Si Tuanne, awei ipe mukin Si anokne kulo?”

ROMA 15:12

Ngen dio kulo de nadeak Yesaya, “Kunei royot Isai bakea teko su'ang tun de bakea meriteak bangso-bangso; ngen Siba bangso-bangso o bakea ma'ep.”

ROMA 9:5

Tobo'o adeba royot bapa-bapa leluhur, de tumu'un Kristus lem keadaan-Ne sebagai manusio, de ade neak das kute sesuaktau. Si adeba Allah de harus nujai sapei selamo-lamone. Amin!

2 PETRUS 1:19

Do'o sebabne keme lebiak yakin igai ngen pesen Allah de nelei namen nebai. Sebaikne udi memperhatikan pesen o, sebab pesen o awei lapu de besinea neak penan kelem sapei matai bilai timboa, ngen cahayo bitang timur besinea neak lem ateinu.

WAHYU 1:1

Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 1:11

Sa'ei o madeak, “Tulisba jano de ko kemliak, ngen mboba bukau o ngen ketujuak jemaat yo: Efesus, Smirna, Pergamus, Tiatira, Sardis, Filadelfia, ngen Laodikia.”

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,

WAHYU 2:11

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang si coa bakea saro kerno kematian de keduai.”

WAHYU 2:17

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang, bakea Uku melei izin embuk manna de tebunyin, masing-masing bakea temimo kunei Uku debuak butau putiak. Pado butau o tetulis do gen de belau, de coa namen api bae, seluyen tun de temimone.”

WAHYU 2:7

Api dapet temi'uk, lokba temi'uk jano de nadeak Roh Allah ngen jemaat-jemaat! Tobo'o de menang, bakea Uku melei izin mbuk bueak kunei pun kehidupan de idup neak surgo.”

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 22:11

Tun de jahat, kunyauba terus menea jahat; tun de najis, kunyauba diraine najis; tun de temotoa kelok Allah, kunyauba terus temotoa kelok Allah, ngen tun de hidup cuma utuk Allah, kunyauba terus hidup cuma utuk Allah.”

WAHYU 22:20

Si de melei namen kute bito yo madeak, “Benea, Uku bakea segero teko!” Amin! Tekoba, ya Tuhan Yesus!

WAHYU 22:6

Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”

WAHYU 3:13

Api temuan ti'uk, lokba si temi'uk jano de nadeak jemaat-jemaat!”

WAHYU 3:22

Api temuan ti'uk, lokba temi'uk jano de nadeak Roh Allah ngen jemaat-jemaat!”

WAHYU 3:6

Api temuan ti'uk, lokba temi'uk jano de nadeak Roh Allah ngen jemaat-jemaat!”

WAHYU 5:5

Lajau saleak suang kunei pemipin-pemipin o madeak ngen uku, “Jibeak ngindoi! Keliak! Singo kunei suku bangsa Yehuda, royot Daud, bi menang. Si sanggup mecuak tujuak segel ngen mukok bukau o.”