WAHYU 22:14 - JANJAI BLAU Lem Bahaso Jang Bebilai

¹⁴ Riangba tun de mpuk jubahne sapei bersi sehinggo tobo'o berhok mbuk bueak kunei pun kehidupan ngen masuk moi lem kota o liwet gerbangne.

WAHYU 22:14 ပူးပေါင်းရင်းမြစ်များ

YOHANES 10:7

Kerno o Yesus madeak igai, “Sesungguakne Uku madeak ngen udi; Ukuba bang kunei bebirai o.

YOHANES 10:9

Uku ba bang. Api bae de masuk liwet Uku, si bakea semlamat ngen si bakea masuk ngen keluea temau padang dukut.

YOHANES 14:15

“Amen udi kemasiak Uku, udi bakea temotoa kute periteak-Ku.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 4:12

Jano Ko lebiak lai kunei bapok leluhur keme Yakub, de melei sumua yo ngen keme ngen de sudo menem suang kunei lemne, si beserto anok-anokne ngen ternok ne?”

1 KORINTUS 7:19

Sebab temotoa peraturan sunat atau coa temotoane, keduaine sesamo coa ade taine. De penting adeba temotoa periteak-periteak Allah.

1 KORINTUS 8:9

Tapi, te atei! Jibeak sapei tejijai bahwo tun luyen jijai duso – kerno imenne ati kuet – sebab Saudaro bebas menea jano bae.

1 KORINTUS 9:5

Jano uku coa ade hok mbin suang pengaten selawei de pecayo ngen Kristus besamo-samo uku lem pemaneuku, awei de nea Saudaro-saudaro Tuhan Yesus ngen rasul-rasul luyenne temasuk Petrus?

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.

1 YOHANES 5:3

Sebab, mengasiak Allah taine taat ngen periteak-periteak-Ne. Periteak-periteak-Ne o coa saro.

WAHYU 2:7

Api dapet temi'uk, lokba temi'uk jano de nadeak Roh Allah ngen jemaat-jemaat! Tobo'o de menang, bakea Uku melei izin mbuk bueak kunei pun kehidupan de idup neak surgo.”

WAHYU 21:12

Tembok neak sekelilingne lai lekat, ngen gerbangne duai belas bueak, jenagai duai belas malaikat. Neak das gerbangne ade tulisan gen-gen keduai belas suku bangsa Israel.

WAHYU 21:27

Tapi tun de menea hal-hal de najis, atau tun de ngike – pokokne jano de najis, coa bakea masuk moi lemne. De bakea masuk cuma tun de genne tetulis lem Bukau Tun Idup, bukau Anok Bebirai o.

WAHYU 22:2

Neak tengeak-tengeak dalen neak kota o, adeba neak seb'ang bioa o, ade pun-pun kehidupan de bebuak duai belas kilai lem de taun, adeba bulen debat. Daunne nakei utuk kemaen bangsa-bangsa.

WAHYU 22:7

“Kemliakba dio!” nadeak Yesus, “Uku bakea segero teko. Riangba tun de ta'at ngen kecek-kecek nubuat lem kiteb yo!”

WAHYU 7:14

“Uku coa namen, Tuan, Tuan suang de namen,” jawab uku. Mako si madeak ngen uku, “Dioba tun-tun de sudo ngen selamat kunei kesusahan de luea biaso. Tobo'o bi mpuk jubah tobo'o ngen meneane jijai putiak ngen daleak Anok Bebirai o.