WAHYU 21:9 - JANJAI BLAU Lem Bahaso Jang Bebilai

⁹ Do kunei antaro ketujuak malaikat de sudo megong penan-penan de penuak ngen ketujuak bencano terakhir o teko ngen uku ngen madeak, “Maro! Uku bakea kemten ngen udi pengaten selawei, adeba pengaten selawei Anok Bebirai.”

WAHYU 21:9 ပူးပေါင်းရင်းမြစ်များ

WAHYU 1:1

Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 17:1

Sesudo'o saleak su'ang kunei ketujuak malaikat de megong tujuak penan o teko ngen uku ngen madeak, “Maro, uku bakea kemten ngen udi awei ipe selawei nakea de lai o bakea nukum, adeba kota lai o de ten'gok pa'ok bioa-bioa.

WAHYU 19:7

Maroba ite beriang-riang ngen sukacito; maroba ite mujai kebesaran-Ne! Sebab bi sapei bilai pernikahan Anok Bebirai o, ngen pengaten selawei-Ne bi siap utuk nikeak.

WAHYU 21:17

Ketiko malaikatne mukua tembokne, ternyato lekat sotos pat puluak pat hasta, temurut ukuran manusio, de adeba kulo ukuran malaikat.

WAHYU 21:2

Mako uku kemliak kota sucai o, adeba Yerusalem de blau, tu'un kunei surgo kunei Allah. Kota o bi seniap awei pengaten selawei nrias utuk magea matenne.

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 22:17

Roh Allah ngen Pengaten Selawei madeak, “Maroba!” Tiep tun de temi'uk dio harus kulo madeak, “Maroba!” Api de haus, lokba si teko! Ngen api de kemlok, lokba si mok bioa de melei kehidupan o ngen cuma-cuma.

WAHYU 22:6

Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”