WAHYU 21:8 - JANJAI BLAU Lem Bahaso Jang Bebilai

⁸ Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 21:8 ပူးပေါင်းရင်းမြစ်များ

MATIUS 10:28

Jibeakba saben ngen, tobo'o de munuak awok, tapi coa ade kuaso munuak jiwo. Sabenba ngen Allah de bekuaso mbenaso awok ngen jiwonu lem nerako.

MATIUS 25:25

Uku saben, jijai uku lalau munyin caci Tuan neak lem pitok. Dioba caci Tuan.’

MATIUS 8:26

Getai udi saben, nadeak Yesus, “Udi de ku'ang pecayo ngen Uku!” Sesudo'o kelongonba Yesus temgur ibut ngen daneu. Lajau daneu jijai kembiak tenang.

MARKUS 9:44

Neak penan'o olokne coa matei, ngen opoine coa bakea padem.]

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

2 TESALONIKA 2:9

Manusio Jahat o bakea teko ngen kuaso de lai kunei Iblis. Si bakea menea kute mecem keajaiban ngen hal-hal luea biaso de penuak ngen pike.

1 TIMOTIUS 4:2

de senapei liwet tun-tun munafik de mike. Atei nurani tun-tun o bi kelem.

TITUS 1:16

Tobo'o madeak bahwo tobo'o kemnal Allah, padahal plep tobo'o temulok-Ne. Tobo'o nyelek, ngen tobo'o coa lok taat; tobo'o adeba tun-tun de coa nam menea de baik.

IBRANI 12:24

Udi teko madep Yesus, Pengantara utuk janjai de belau o; udi madep daleak percikan de menjamin hal-hal de uak lebiak baik kunei de jenamin daleak Habel.

IBRANI 13:4

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.

1 YOHANES 2:22

De berdusta adeba tun de madeak bahwo Yesus iso Rajo Penyelamat de jenanjai Allah. Tun o musuak Kristus; si coa makau Bapa atau Anok.

1 YOHANES 3:15

Tun de jengik ngen saudarone adeba pembunuh, ngen udi namen bahwo su'ang pembunuh coa temuan hidup sejati ngen kekal.

1 YOHANES 5:10

Sebab o, tun de pecayo ngen Anok Allah, sudo temimo saksai o neak lem ateine; tapi tun de coa pecayo ngen Allah, bi manggap amen Allah pendusta, sebab si coa pecayo jano de nadeak Allah tetang anok-Ne.

WAHYU 14:10

tun o bakea menem anggur Allah, adeba anggur murka Allah de sudo mpek lem penanne, coa ade ku'ang didik kulo! Kute tun o bakea senikso neak lem opoi ngen bli'ang neak adep malaikat-malaikat sucai ngen neak adep Anok Bebirai o.

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 2:11

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang si coa bakea saro kerno kematian de keduai.”

WAHYU 2:2

Uku namen jano de udi nea: Udi kerjo keras ngen udi kembiak sabar. Uku namen bahwo udi coa melei atei ngen tun jahat. Ngen tun-tun makau diraine rasul padahal iso, sudo udi ntes, ngen udi namen bahwo tobo'o mike.

WAHYU 21:27

Tapi tun de menea hal-hal de najis, atau tun de ngike – pokokne jano de najis, coa bakea masuk moi lemne. De bakea masuk cuma tun de genne tetulis lem Bukau Tun Idup, bukau Anok Bebirai o.

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.

WAHYU 9:17

Ngen lem pengeliak, uku kemliak kudo-kudo ngen penunggang-penunggangne. Penunggang-penunggangne makei bajau besai warno mileak te'ang, biru awei butau nilam, ngen kuning bli'ang. Ulau kudo-kudo o awei ulau singo, ngen kunei bibiane keluea opoi, asep, ngen bli'ang.

WAHYU 9:21

Tobo'o coa kulo teminggea plep-plep kidekne, adeba munuak tun, lemau-lemau gaib, zinah ngen maling.