WAHYU 21:7 - JANJAI BLAU Lem Bahaso Jang Bebilai

⁷ Tun-tun de menang bakea temimo kutene yo. Uku bakea jijai Allahne, ngen si jijai anok-Ku.

WAHYU 21:7 ပူးပေါင်းရင်းမြစ်များ

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 25:21

‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MARKUS 10:17

Pado waktau Yesus temrus pemaneu-Ne, tekoba suang tun ngacap magea Yesus ngen samo sujud neak adep-Ne si betanye, “Gu'au de baik, jano de harus Uku menea utuk dapet idup de kekal?”

ROMA 8:14

Kute tun, de nipin Roh Allah, adeba anok-anok Allah.

ROMA 8:19

Sebab ngen kembiak indau kute makhluk mbot waktaune anok-anok Allah kenten.

2 KORINTUS 6:16

Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak, “Uku bakea tinggea besamo-samo ngen tobo'o, ngen idup neak tengeak-tengeak tobo'o. Uku bakea jijai Allah tobo'o, ngen tobo'o bakea jijai umat-Ku.

2 KORINTUS 6:18

Ngen Uku bakea jijai Bapanu, ngen udi bakea jijai anok-anok-Ku, semanei ngen anok-anok-Ku selawei awei yo ba firman Tuhan, De Mahakuaso.”

IBRANI 8:10

Tapi uyo, dioba janjai de bakea Uku nea ngen umat Israel pado bilai-bilai de bakea teko, nadeak Tuhan: Uku bakea mpek hukum-Ku moi lem pekeran tobo'o, ngen temulisne neak atei tobo'o. Uku bakea jijai Allah tobo'o, ngen tobo'o bakea jijai umat-Ku.

1 PETRUS 3:9

Jibeakba males kejahatan ngen kejahatan, atau caci maki ngen caci maki; sebelekne malesba ngen minoi berkat kunei Allah. Sebab Allah menok udi justru supayo udi temimo berkat kunei Allah.

WAHYU 2:11

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang si coa bakea saro kerno kematian de keduai.”

WAHYU 2:17

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang, bakea Uku melei izin embuk manna de tebunyin, masing-masing bakea temimo kunei Uku debuak butau putiak. Pado butau o tetulis do gen de belau, de coa namen api bae, seluyen tun de temimone.”

WAHYU 2:25

Tapi sapei waktau Uku teko be, lokba udi tep temotoa jano de sudo udi temuan.

WAHYU 2:7

Api dapet temi'uk, lokba temi'uk jano de nadeak Roh Allah ngen jemaat-jemaat! Tobo'o de menang, bakea Uku melei izin mbuk bueak kunei pun kehidupan de idup neak surgo.”

WAHYU 21:3

Lajau uku temi'uk sa'ei de kembiak lek kunei takhta o madeak, “Uyo penan tinggea Allah adeba besamo-samo ngen manusio! Si bakea idup ngen tobo'o, ngen tobo'o bakea jijai umat-Ne. Allah suang bakea ade ngen tobo'o ngen jijai Allah tobo'o.