WAHYU 21:6 - JANJAI BLAU Lem Bahaso Jang Bebilai

⁶ Lajau Si madeak, “Bi selsei! Ukuba Tuhan kunei Pertamo ngen Terakhir; Ukuba Tuhan kunei mulo sapei akhir. Tiep tun de haus, bakea Uku melei bioa ngen cuma-cuma kunei matai bioa de melei idup.

WAHYU 21:6 ပူးပေါင်းရင်းမြစ်များ

YOHANES 4:10

Jawab Yesus ngen si, “Amen ko namen tetang karunio Allah ngen api Si de madeak ngen ko, ‘Melei ba Uku menem!’ Paset ko bi minoi ngen-Si ngen Si bi melei ngen ko bioa idup.”

YOHANES 4:11

Nadeak selawei'o ngen Si, “Tuan, Ko coa temuan timbo ngen sumua yo kembiak lem; kunei ipe Ko dapet bioa idup'o?

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

ROMA 3:24

Ngen kerno kasih karunio nelei ngen cuma-cuma kerno penebusan lem Kristus Yesus.

ROMA 8:32

Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si?

1 KORINTUS 2:12

Ite coa temimo roh dunio, tapi roh de asalne kunei Allah, supayo ite namen, jano de nelei Allah ngen ite.

1 KORINTUS 3:12

Ade de temgok gedung o neak das pondasi kunei mas, ade de makei pirok, ade de makei butau permata, ade kulo de makei kieu, dukut ke'ing atau jerami.

1 KORINTUS 3:21

Kerno o, jibeakba suang tun kulo mujai manusio, sebab kutene o bi jijai ko de temuan:

1 KORINTUS 3:5

Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

WAHYU 1:11

Sa'ei o madeak, “Tulisba jano de ko kemliak, ngen mboba bukau o ngen ketujuak jemaat yo: Efesus, Smirna, Pergamus, Tiatira, Sardis, Filadelfia, ngen Laodikia.”

WAHYU 1:17

Ketiko uku kemliak-Ne, uku tegulek neak adep-Ne awei tun matei. Tapi Si mpek tangen kanen-Ne moi dasku lajau madeak, “Jibeak saben! Ukuba de Pertamo ngen Terakhir.

WAHYU 1:8

“Ukuba de pertamo ngen terakhir,” nadeak Tuhan Allah, de ade, de sudo ade, ngen de ade seterusne, De Mahakuaso.

WAHYU 10:6

Si supeak demi Allah de idup selamo-lamone, de jemijai lenget, bumai ngen laut serto kute de ade neak lemne. Malaikat o madeak, “Waktaune coa bakea mondor igai!

WAHYU 16:17

Sesudo'o malaikat ke tujuak temupeak si'ing penanne moi udara. Mako teni'ukba sa'ei de lek kunei takhta neak Bait Sucai, de madeak, “Sudo selsei!”

WAHYU 22:13

Ukuba de pertamo ngen terakhir; Ukuba Tuhan kunei Pertamo sapei Terakhir.”

WAHYU 22:17

Roh Allah ngen Pengaten Selawei madeak, “Maroba!” Tiep tun de temi'uk dio harus kulo madeak, “Maroba!” Api de haus, lokba si teko! Ngen api de kemlok, lokba si mok bioa de melei kehidupan o ngen cuma-cuma.

WAHYU 3:14

“Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.

WAHYU 7:17

sebab Anok Bebirai de temot neak tengeak-tengeak takhta o bakea jijai gembala tobo'o. Si bakea mi'ing tobo'o moi sumber bioa de melei kehidupan. Ngen Allah bakea mapus kute bioa matai kunei matai tobo'o.”