WAHYU 21:5 - JANJAI BLAU Lem Bahaso Jang Bebilai

⁵ Lajau Si de temot neak das takhta o madeak, “Uyo Uku bi menea kutene blau!” Si madeak kulo ngen uku, “Tulisba dio, sebab kecek-kecek yo benea ngen dapet cayo.”

WAHYU 21:5 ပူးပေါင်းရင်းမြစ်များ

LUKAS 5:38

Tapi anggur de blau harus naik lem katung de blau kulo.

2 KORINTUS 5:17

Jijai, api de ade neak lem Kristus, si adeba ciptaan blau: De an bi liwet, sesungguakne de blau bi teko.

IBRANI 12:27

Kecek “debat igai” kemten bahwo kute dunio de sudo nea bakea gemuyang ngen senikia, supayo de tinggea cuma de coa dapet genuyang.

WAHYU 1:11

Sa'ei o madeak, “Tulisba jano de ko kemliak, ngen mboba bukau o ngen ketujuak jemaat yo: Efesus, Smirna, Pergamus, Tiatira, Sardis, Filadelfia, ngen Laodikia.”

WAHYU 1:19

Sebab o, tulisba hal-hal de ko kemliak, adeba hal-hal de ade uyo, ngen hal-hal de bakea tejijai.

WAHYU 19:9

Lajau malaikat o madeak ngen uku, “Tulisba dio: ‘Riangba tun de nundang moi pesta nikeak Anok Bebirai o.’ ” Sesudo'o malaikat o temambeak kulo, “Dioba bito benea kunei Allah.”

WAHYU 20:11

Sesudo'o uku kemliak debueak takhta putiak de lai ngen Si de temot neak dasne. Lenget ngen bumai nyep kunei adep-Ne, sehinggo coa keten igai.

WAHYU 22:19

Ngen amen tun kemu'ang sesuaktau kunei kecek-kecek nubuat yo, mako Allah kulo bakea kemu'ang bagianne de tenulis lem kiteb yo – adeba bagian kunei pun kehidupan ngen kunei kota sucai o.

WAHYU 22:6

Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”

WAHYU 4:2

Langsung bae uku kenuaso Roh Allah. Lajau uku kemliak neak surgo ade debueak takhta, ngen ade suang tun temot neak takhta o.

WAHYU 4:9

Kepat makhluk o mbin legau pujian, hormat ngen syukur ngen Si de temot neak takhta o, adeba Si de idup utuk selamo-lamone. Ngen pado waktau makhluk-makhluk o nyanyi,

WAHYU 5:1

Sesudo'o uku kemliak debueak gulungan bukau neak tangen Si de temot neak takhta o. Bukau o penuak ngen tulisan peak lem ngen peak lueane ngen dimeteraikan ngen tujuak bueak segel.