WAHYU 21:4 - JANJAI BLAU Lem Bahaso Jang Bebilai

⁴ Si bakea musep bioa matai kunei matai tobo'o. Kematian coa bakea ade igai; ibo, tangisan, atau duko cito bakea cigai. Hal-hal de an bi nyep.”

WAHYU 21:4 ပူးပေါင်းရင်းမြစ်များ

MATIUS 24:35

Lenget ngen bumai bakea nyep, tapi Firman-Ku tep selamo-lamone.”

1 KORINTUS 15:26

Musuak de terakhir de bakea naleak adeba kematei.

1 KORINTUS 7:31

ngen tun de sibuk lem hal dunio, lokba si idup awei tun de coa sibuk ngen hal-hal'o. Sebab coa an igai dunio yo, lem keadaanne de uyo bakea nyep!

2 KORINTUS 5:17

Jijai, api de ade neak lem Kristus, si adeba ciptaan blau: De an bi liwet, sesungguakne de blau bi teko.

2 KORINTUS 6:17

Kerno o: Kelueaba udi kunei tobo'o, ngen cen'eiba dirainu kunei tobo'o, firman Tuhan. Jibeakba megong jano de najis, mako Uku bakea temimo udi.

IBRANI 12:27

Kecek “debat igai” kemten bahwo kute dunio de sudo nea bakea gemuyang ngen senikia, supayo de tinggea cuma de coa dapet genuyang.

2 PETRUS 3:10

Tapi Bilai tekone Tuhan bakea teko awei maling. Pado bilai o, lenget bakea nyep ngen sa'ei gutua, ngen benda-benda neak lenget bakea abis tekembem, bumai ngen kute de ade neak lemne bakea nyep.

1 YOHANES 2:17

Dunio ngen kute de ade neak lemne ngen kenlok manusio, gidong nyep. Tapi tun de temotoa kelok Allah, tep idup sapei selamo-lamone.

WAHYU 20:13

Lajau laut semreak tun-tun matei de ade neak lemne. Maut ngen Alam Maut kulo semreak tun-tun matei de ade ngen si. Ngen tun-tun matei o kutene nelei ukuman setipal ngen plep tobo'o.

WAHYU 20:14

Sesudo'o Maut ngen Alam Maut nuang moi lem lautan opoi. (Lautan opoi yo adeba kematian tahap keduai.)

WAHYU 21:1

Lajau uku kemliak lenget de blau ngen bumai de blau. Lenget pertamo ngen bumai pertamo nyep, serto laut nyep.

WAHYU 22:3

Neak lem kota o coa bakea ade de keno supeak Allah. Takhta Allah ngen Anok Bebirai o bakea ade neak lem kota o. Hamba-hamba-Ne bakea beribadah ngen-Si,

WAHYU 7:17

sebab Anok Bebirai de temot neak tengeak-tengeak takhta o bakea jijai gembala tobo'o. Si bakea mi'ing tobo'o moi sumber bioa de melei kehidupan. Ngen Allah bakea mapus kute bioa matai kunei matai tobo'o.”