WAHYU 21:23 - JANJAI BLAU Lem Bahaso Jang Bebilai

²³ Kota o coa perlu cahayo matai bilai atau bulen, sebab kemulioan Allah tem'angne, ngen Anok Bebirai o adeba lapune.

WAHYU 21:23 ပူးပေါင်းရင်းမြစ်များ

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MARKUS 8:38

Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”

LUKAS 2:32

awei te'ang de tem'ang dalen bagiak bangso-bangso de luyen, ngen jemijai mulio bagiak umat-Nu, Israel.”

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 1:4

Lem Si ade idup ngen idup'o adeba te'ang manusio.

YOHANES 1:9

Te'ang de sesungguak'ne, de tem'ang tiep tun, dong teko lem dunio.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

YOHANES 5:23

supayo kute tun mego Anok awei tobo'o mego Bapa. Api bae coa mego Anok, si kulo coa mego Bapa, de mutus Si.

KISAH RASUL-RASUL 22:11

Kerno Uku coa dapet ngeliak cayo de sileu o, mako kekuatku de megong tangenku, mbin uku moi Damsyik.

WAHYU 14:4

Tobo'o tun-tun de tep sucai awei perawan, kerno coa menea hubungan ngen selawei. Tobo'o temotoa Anok Bebirai o moi ipe bae si lalau. Kunei antaro umat manusio, tobo'oba de sudo bebas sebagai persembahan de pertamo ngen Allah ngen Anok Bebirai.

WAHYU 18:1

Sesudo'o uku kemliak malaikat luyen tu'un kunei surgo. Si temuan kuaso de lai, ngen kemulianne menea kute bumai jijai te'ang.

WAHYU 21:11

Kota o penuak ngen kemulioan Allah ngen cahayone serai awei butau permata, awei butau baiduri panden de jeniak awei kristal.

WAHYU 21:25

Bang-bang kota o bakea tukok terus; coa bakea tenutup, sebab coa ade kelmen neak di.

WAHYU 22:5

Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.

WAHYU 5:6

Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.

WAHYU 7:17

sebab Anok Bebirai de temot neak tengeak-tengeak takhta o bakea jijai gembala tobo'o. Si bakea mi'ing tobo'o moi sumber bioa de melei kehidupan. Ngen Allah bakea mapus kute bioa matai kunei matai tobo'o.”