WAHYU 21:2 - JANJAI BLAU Lem Bahaso Jang Bebilai

² Mako uku kemliak kota sucai o, adeba Yerusalem de blau, tu'un kunei surgo kunei Allah. Kota o bi seniap awei pengaten selawei nrias utuk magea matenne.

WAHYU 21:2 ပူးပေါင်းရင်းမြစ်များ

YOHANES 3:29

De temuan ngenyan selawei, adeba maten semanei; tapi kuat maten semanei, de je neak pa'ok Si ngen de temi'ukne, kembiak riang temi'uk suaro maten semanei'o. Do'oba keriang ku, ngen uyo keriang ku'o penuak.

2 KORINTUS 11:2

Uku indau ngen udi, awei Allah suang kulo indau ngen udi. Udi adeba awei suang semulen de masiak sucai de sudo uku jenanjai utuk nikeak ngen suang semanei, adeba Kristus.

IBRANI 11:10

Sebab Abraham gidong mbot kota de rencano ngen nea Allah ngen pondasi de kuet.

IBRANI 11:16

Tapi nyatone, tobo'o indau debuak negrai de lebiak baik, negrai de neak surgo. Do'oba sebabne Allah coa selek amen tobo'o sembut Si Allah tobo'o, sebab Allah sudo sendio debuak kota utuk tobo'o.

IBRANI 12:22

Sebelekne, udi bi teko moi Tebo Sion ngen kota Allah de idup, adeba Yerusalem de neak surgo ngen beribau malaikatne.

IBRANI 13:14

Sebab neak bumei coa ade penan tinggea de kekea utuk ite; ite mesoa penan tinggea de bakea teko.

WAHYU 1:1

Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 11:2

Tapi jibeakba nukua latet neak depeak luea Bait Sucai Allah o, sebab bagian o bi senreak ngen tun-tun de coa kemnal Tuhan. Tobo'o bakea melat Kota de Sucai o selamo pat puluak duai bulen.

WAHYU 21:10

Mako Roh Allah kemuaso uku, ngen malaikat o mbin uku moi das tebo de kembiak lekat. Si kemten ngen uku Yerusalem, kota sucai o, kota o tu'un kunei surgo, kunei Allah.

WAHYU 21:9

Do kunei antaro ketujuak malaikat de sudo megong penan-penan de penuak ngen ketujuak bencano terakhir o teko ngen uku ngen madeak, “Maro! Uku bakea kemten ngen udi pengaten selawei, adeba pengaten selawei Anok Bebirai.”

WAHYU 22:17

Roh Allah ngen Pengaten Selawei madeak, “Maroba!” Tiep tun de temi'uk dio harus kulo madeak, “Maroba!” Api de haus, lokba si teko! Ngen api de kemlok, lokba si mok bioa de melei kehidupan o ngen cuma-cuma.

WAHYU 22:19

Ngen amen tun kemu'ang sesuaktau kunei kecek-kecek nubuat yo, mako Allah kulo bakea kemu'ang bagianne de tenulis lem kiteb yo – adeba bagian kunei pun kehidupan ngen kunei kota sucai o.

WAHYU 3:12

Tun de menang, Uku jemijai sebagai tiang lem Umeak Sucai Allah-Ku, ngen si bakea tinggea neak penan o selamo-lamone. Gen Allah-Ku, gen kota Allah-Ku – adeba Yerusalem blau de bakea tu'un kunei surgo, kunei Allah-Ku – bakea Uku temulis neak dirai tun o. Kulo gen-Ku de blau bakea Uku temulis neak diraine.