WAHYU 20:9 - JANJAI BLAU Lem Bahaso Jang Bebilai

⁹ Mako tobo'o kulo becibea moi kute dunio, lajau kempung perkemahan umat Allah ngen kota de Allah kasihi. Tapi opoi tu'un kunei lenget ngen mbem tobo'o.

WAHYU 20:9 ပူးပေါင်းရင်းမြစ်များ

LUKAS 17:29

Tapi pado bilai Lot lalau keluea kunei Sodom tu'unba ujen opoi ngen ujen beli'ang kunei lenget ngen kute tobo'o benaso.

LUKAS 19:43

Sebab bakea teko bilaine, bahwo musuaknu bakea gemlung ko, lajau kempung ngen mipit ko kunei kute jurusan.

LUKAS 21:20

“Amen udi kemliak Yerusalem kenpung tentra-tentra, namenba, bahwo ubuakne kota'o bi pa'ok.

LUKAS 9:54

Mako pado waktau penotoa-penotoa Yesus, adeba Yakobus ngen Yohanes namen tetang hal o, tobo'o madeak, “Tuhan, jano Kumu lok, supayo keme meluak opoi tu'un kunei lenget utuk mbuk tobo'o?”

2 TESALONIKA 1:8

ngen menea pembalasan te'adep tobo'o de coa lok kemnal Allah ngen coa taat ngen Bito Baik tetang Yesus Tuhan ite.

IBRANI 13:13

Kerno o, maroba ite lalau ngen-Si moi luea kemah ngen milau hino tun besamo Si.

WAHYU 11:5

Amen tun cemubo menea sesuaktau de coa baik tehadep tobo'o, mako kunei bibia tobo'o kelueaba opoi de benaso musuak-musuakne. Ngen ca'o awei yo, kute tun de lok megis tobo'o bakea nunuak.

WAHYU 13:13

Benatang de keduai o menea keajaiban-keajaiban de lai. Neak adep kute tun si menea opoi tu'un kunei lengget moi bumai.