WAHYU 20:8 - JANJAI BLAU Lem Bahaso Jang Bebilai

⁸ ngen si bakea lalau mike bangsa-bangsa de tersebea neak kute dunio, adeba Gog ngen Magog. Iblis kemopoa tobo'o utuk perang, suaktau jumlah de kembiak lai, kedau benei neak laut.

WAHYU 20:8 ပူးပေါင်းရင်းမြစ်များ

IBRANI 11:12

Kunyau Abraham waktau o awei tun do sudo matei awokne, tapi si dapet dau keturunan, de daune coa teitung – awei daune bitang neak lenget ngen benei neak patoi.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 16:14

Tobo'o adeba roh-roh jahat de menea keajaiban-keajaiban. Ketelau roh o lalau magea kute rajo neak kute dunio ngen kemopoa tobo'o utuk tepua pado Bilai lai, adeba Bilai kunei Allah Mahakuaso.

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 20:3

Sesudo'o malaikat o muang nagai o moi lem jurang maut, lajau kemucai jurang o ngen semegelne, supayo nagai o cigai dapet mike bangsa-bangsa ayok masa seribau taun o abis. Sesudo'o si harus npas utuk waktau de siket.

WAHYU 7:1

Sesudo'o, uku kemliak pat tun malaikat je neak kepat penjuru bumai. Tobo'o temaen kepat angin neak bumai supayo jibeak ade ibut de kembus neak da'et atau neak laut, atau neak pun-pun.