WAHYU 20:5 - JANJAI BLAU Lem Bahaso Jang Bebilai

⁵ Dioba tahap pertamo tun-tun matei nidup igai. (Tapi tun-tun matei luyenne coa nidup igai selamo maso seribau taun o.)

WAHYU 20:5 ပူးပေါင်းရင်းမြစ်များ

LUKAS 14:14

Ko bakea temimo berkat, sebab tun-tun o coa bakea dapet males kebaiknu. Kebaiknu bakea nales Allah pado waktau tun-tun de baik nidup igai kunei mateine.”

ROMA 11:15

Kerno Allah coa temimo tobo'o, mako hubungan dunio ngen Allah jijai baik igai, jano igai amen tobo'o tenimo Allah! Paset bae do'o serai awei tun matei idup igai!

FILIFI 3:11

Ngen uku ma'ep bahwo uku suang bakea nidup igai kunei matei.

1 TESALONIKA 4:16

Be malaikat agung bakea menggang ngen sa'ei lek ngen terupet Allah sa'ei sebagai tando aba-aba. Lajau Tuhan Yesus suang bakea tu'un kunei surgo, ngen tun-tun de matei lem Kristus bakea lebiak dute idup igai.

WAHYU 11:11

Sesudo telau setengeak bilai, tekoba napas idup kunei Allah ngen masuk igai moi lem keduai tun nebai o. Tobo'o kulo kelongon je, sehinggo kute tun de kemliak tobo'o jijai saben sekilai.

WAHYU 11:15

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”