WAHYU 20:4 - JANJAI BLAU Lem Bahaso Jang Bebilai

⁴ Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 20:4 ပူးပေါင်းရင်းမြစ်များ

MATIUS 19:28

Yesus madeak ngen tobo'o, “Pecayoba: Neak dunio de Belau, Anok Manusio bakea temot neak das kersaine de mulio utuk meriteak. Pado waktau'o udi de penotoa-penotoa-Ku bakea temot neak das keduai belas kersai penan Uku meriteak ngen makim keduai belas sukau bangso Israel!

MATIUS 24:10

Pado waktau'o dau tun bakea murtad, ngen mianat serto jemngik do ngen de luyen.

MARKUS 6:16

Waktau Herodes temi'uk hal'o, Si madeak, “Iso, Si'o Yohanes gi sudo Uku motongulau ne, ngen de idup igai.”

MARKUS 6:27

Rajo segro meluak suang tun algojo ngen periteak supayo mok ulau Yohanes Pembaptis. Tun'o lalau ngen motong ulau Yohanes Pembaptis neak penjaro.

MARKUS 9:11

Lajau tobo'o betanye ngen-Si, “Getai gu'au-gu'au agamo madeak, bahwo Elia harus teko lebiak dute?”

LUKAS 1:17

Si bakea paneu demute Tuhan lem roh ngen kuaso awei Elia. Si bakea menea atei bapa-bapa bebelek ngen anok-anokne ngen atei tun-tun durhako ngen pekeran tun-tun benea. Ngen awei si semiap bagiak Tuhan do umat de patut bagiak-Ne.”

LUKAS 14:14

Ko bakea temimo berkat, sebab tun-tun o coa bakea dapet males kebaiknu. Kebaiknu bakea nales Allah pado waktau tun-tun de baik nidup igai kunei mateine.”

LUKAS 22:30

Bahwo udi bakea mukmei ngen menem do mija ngen Uku neak lem Kerajaan-Ku ngen udi bakea temot neak das takhta utuk makim keduai belas sukau Israel.”

YOHANES 14:19

Tegoa igai dunio coa bakea kemliak Uku, tapi udi bakea kemliak Uku sebab Uku idup ngen udi kulo bakea idup.

ROMA 11:15

Kerno Allah coa temimo tobo'o, mako hubungan dunio ngen Allah jijai baik igai, jano igai amen tobo'o tenimo Allah! Paset bae do'o serai awei tun matei idup igai!

ROMA 8:17

Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

WAHYU 1:2

Mako Yohanes kulo cemrito kute de kemliakne o; ngen dioba laporanne tetang pesen kunei Allah de kenuet Yesus Kristus liwet saksai-Ne.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 11:11

Sesudo telau setengeak bilai, tekoba napas idup kunei Allah ngen masuk igai moi lem keduai tun nebai o. Tobo'o kulo kelongon je, sehinggo kute tun de kemliak tobo'o jijai saben sekilai.

WAHYU 11:15

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

WAHYU 11:3

Uku bakea mutus duai tun saksai-Ku de makei keracok bekabung, ngen tobo'o bakea melei namen bito Allah selamo 1260 bilai.”

WAHYU 11:7

Sesudo tobo'o selsei melei bito tobo'o, benatang de keluea kunei jurang maut bakea melawen tobo'o. Si bakea maleak ngen munuak tobo'o.

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.

WAHYU 14:11

Asep ngen opoi de semikso tun o bakea kasep terus utuk selamo-lamone. Lueng kelmen coa ade bedan-bedanne tobo'o tesikso, adeba tobo'o de nyembeak benatang o ngen patungne, kute tun de temuan tando gen benatang o.”

WAHYU 15:2

Sesudo'o uku kemliak sesuaktau de ketenne awei lautan kaco becapua opoi. Uku kemliak kulo tun-tun de sudo menang das benatang ngen patungne, ngen menang das tun de genne nelei tando ngen ako. Tun-tun de menang o je neak biding laut kaco samo megong kecapi de nelei Allah ngen tobo'o.

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.

WAHYU 2:26

Tobo'o de menang, ngen sapei akhir bogoa menea jano de Uku lok, bakea Uku melei kuaso de serai awei de Uku temimo kunei Bapa-Ku. Tobo'o bakea temimo kuaso kunei Uku utuk meriteak bangso-bangso ngen tokot besai, ngen utuk majua bangso-bangso o awei ko'on kunei pitok.

WAHYU 20:6

Riangba tun-tun de nidup igai lem tahap pertamo o. Tobo'o patas jijai de Allah temuan. Kematian tahap keduai coa bekuaso das tobo'o. Tobo'o bakea jijai imem-imem Allah ngen imem-imem Kristus. Ngen tobo'o bakea meriteak besamo Si seribau taun anne.

WAHYU 22:5

Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.

WAHYU 4:4

Lem betuk lingkaran sekeliling takhta o ade duai puluak pat takhta de luyen. Neak di temot duai puluak pat pemipin de makei keracok putiak, ngen makei mahkota mas.

WAHYU 6:9

Sesudo'o Anok Bebirai o mukok segel de kelemo. Uku kemliak neak beak mezbah ade roh-roh tun-tun matei nunuak kerno tobo'o kemuet firman Allah liwet saksai tobo'o.

WAHYU 7:3

Malaikat o madeak, “Jibeak kileak musak bumai ngen laut, atau pun-pun amen keme ati melei tando segel neak ning hamba-hamba Allah ite.”