WAHYU 20:3 - JANJAI BLAU Lem Bahaso Jang Bebilai

³ Sesudo'o malaikat o muang nagai o moi lem jurang maut, lajau kemucai jurang o ngen semegelne, supayo nagai o cigai dapet mike bangsa-bangsa ayok masa seribau taun o abis. Sesudo'o si harus npas utuk waktau de siket.

WAHYU 20:3 ပူးပေါင်းရင်းမြစ်များ

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MATIUS 27:66

Lajau tobo'o lalau moi kubua, semegel butau penutupne ngen teminggea penjago-penjago neak mukone, kunyau coa gen de ngurek kubua'o.

MARKUS 4:15

Biniak de cucia neak dalen awei tun-tun de temi'uk bito tetang awei ipe Allah meriteak. Awei o temi'uk, Iblis teko ngen mok jano de sudo tenbea lem atei tobo'o.

LUKAS 8:31

Semat-semat o bekinoi ngen Yesus, supayo Si jibeak meriteak tobo'o masuk moi lem Jurang Maut.

2 KORINTUS 11:3

Tapi uku saben, amen pekeran udi sensat kunei kesetiaan udi de sejati ngen Kristus, serai awei Hawa tergoda ngen kelicikan dung.

2 PETRUS 3:8

Tapi saudaro-saudaroku, do hal yo jibeakba udi coa tinget: bahwo neak adep Tuhan, do bilai coa ade bedane ngen seribau taun – keduaine serai bae bagiak-Ne.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:14

Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 17:2

Rajo-rajo dunio menea zinah ngen si, ngen penghuni bumai jijai mabuk kerno mbuk anggur perzinahanne.”

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.

WAHYU 20:1

Sesudo'o uku kemliak malaikat tu'un kunei surgo. Neak tangenne si megong kucai jurang maut ngen debueak ratoi lai.