WAHYU 20:2 - JANJAI BLAU Lem Bahaso Jang Bebilai

² Lajau si temakep nagai o, dung tuai o, – adeba Iblis atau roh kidek o, – ngen si meketne utuk seribau taun anne.

WAHYU 20:2 ပူးပေါင်းရင်းမြစ်များ

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 8:29

Tobo'o keluea kunei guo-guo kubua menggang, “Anok Allah, jano de lok Ko menea ngen keme? Jano kolok semikso keme ayok waktaune?”

MARKUS 4:15

Biniak de cucia neak dalen awei tun-tun de temi'uk bito tetang awei ipe Allah meriteak. Awei o temi'uk, Iblis teko ngen mok jano de sudo tenbea lem atei tobo'o.

MARKUS 5:7

Ngen lek si menggang, “Jano urusannu ngen uku, hoi Yesus, Anok Allah gi maho lekat? Demi Allah, jibeak sikso uku!”

YOHANES 12:31

Uyo bi sapei waktaune dunio yo nakim, uyo kulo penguaso dunio yo bakea neluk moi luea.

YOHANES 16:11

bahwo Allah sudo muloi mukum, sebab penguaso dunio yo bi nukum.

ROMA 16:20

Allah de melei sejahtera ngen manusio, bakea segro mpek Iblis neak beak kuasonu ngen majuane. Semoga Saudaro-saudaro bogoa diberkati Yesus Kristus Tuhan ite!

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

2 PETRUS 2:4

Sebab amen Allah coa semayang malaikat-malaikat de menea duso tapi meting tobo'o moi lem nerako ngen awei yo semreakne moi lem guo-guo de kelem utuk maik tobo'o sapei Bilai Penghakiman.

YUDAS 1:6

Tingetba kulo tobo malaikat de coa taat ngen liwet batas-batas kuaso tobo'o, sehinggo lalau teminggea penan tinggea tobo'o. Allah meket malaikat-malaikat o ngen ratoi abadi, neak lem penan de kelem neak beak bumai. Neak di tobo'o nukum trus sapei tobo'o nelei ukuman pado bilai lai.

WAHYU 12:13

Ketiko nagai o sadar bahwo si bi nuang moi bumai, si muloi jemalang selawei de sudo melaher anok semanei o.

WAHYU 12:15

Mako nagai o kemluea kunei bibiane dau nien bioa moi selawei o, kunyau si monot.

WAHYU 12:17

Nagai o jijai kembiak mengiak ngen selawei o, sehinggo si lalau semrang turunan de luyen kunei selawei o, adeba kute tun de taat ngen periteak-periteak Allah, ngen de melei saksai tetang Yesus ngen kuaso-Ne.

WAHYU 12:3

Lajau keten kulo neak lenget suaktau de ajaib. Ade dikup nagai mileak de kembiak lai de temuan tujuak ulau ngen puluak tanduk. Tiep ulaune makei debueak mahkota.

WAHYU 12:4

Ngen ikoane si seme'et sepertelau kunei bitang-bitang neak lenget ngen nuangne moi bumai. Nagai o je neak adep selawei de lok melaher o ngen maksud temlen anokne, sesudo anokne laher.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:2

Benatang de uku kemliak o awei macan tutul, kekeane awei kekea beruang, muncungne awei muncung singo. Lajau benatang o nelei nagai o kekuatanne su'ang, ngen takhtane, ngen kuasene de lai.

WAHYU 13:4

Ngen tobo'o nyembeak nagai o sebab si bi melei kuasone ngen benatang o. Ngen tobo'o nyembeak benatang o, samo madeak, “Coa ade de serai ngen benatang yo! Coa ade de dapet perang melawen si!”

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 20:7

Sesudo abis masa seribau taun o, Iblis bakea bebas kunei selne,

WAHYU 9:11

Tobo'o temuan rajo de meriteak tobo'o, rajo o adeba malaikat de tanggung jawab das jurang maut. Neak lem bahaso Ibrani, genne adeba Abadon; lem bahaso Yunani Apolion (taine “Pengusak”).