WAHYU 2:5 - JANJAI BLAU Lem Bahaso Jang Bebilai

⁵ Sebab o, tingetba padeak ke'uakne udi bi us! Tobatba kunei duso-dusonu, ngen neaba jano de udi nea semulo. Amen coa, mako uku bakea teko ngen udi, mok kekea lapu o kunei penanne.

WAHYU 2:5 ပူးပေါင်းရင်းမြစ်များ

MATIUS 5:14

Udi adeba te'ang dunio. Kota neak das tebo coa nggea coa keten.

MATIUS 5:15

Coa gen tun midup lapu, sudo'o munyinne neak beak talam, tapi neak das kekea lapu sehinggo melei te'ang kute tun neak dasei'o.

MARKUS 12:9

Uyo jano de bakea nea ngen temuan kebun anggur'o? Si bakea teko ngen munuak pekerjo-pekerjo'o, lajau melei kepercayaan kebun'o ngen tun-tun luyen.

LUKAS 1:17

Si bakea paneu demute Tuhan lem roh ngen kuaso awei Elia. Si bakea menea atei bapa-bapa bebelek ngen anok-anokne ngen atei tun-tun durhako ngen pekeran tun-tun benea. Ngen awei si semiap bagiak Tuhan do umat de patut bagiak-Ne.”

LUKAS 20:16

Si bakea teko ngen munuak pekerjo-pekerjo o, ngen semreak kebun anggur o ngen tun luyen.” Temi'uk do'o tobo'o madea, “Sekilai-kilai jibeak!”

GALATIA 5:4

Udi lepas kunei Kristus, amen udi ma'ep pembenaran liwet hukum agamo; udi ade neak luea anugerah.

FILIFI 2:15

Supayo udi coa ade aib ngen coa ade noda, sebagai anok-anok Allah de coa ade cacet, neak tengeak-tengeak tun-tun kidek ngen seset yo, sehinggo udi becahayo neak antaro tobo'o awei bitang-bitang neak dunio.

IBRANI 10:32

Ingetba awei ipe keadaan Saudaro-saudaro pado waktau de sudo. Pado waktau o, sesudoh cahayo Allah menyinarimu, udi dau menderita; tapi udi tep bejuang ngen gigih.

2 PETRUS 3:17

Tapi udi, saudaro-saudaro de tecito, bi namen tetang hal o. Sebab o, teateiba, jibeak sapei udi tekembin moi lem kesesatan tun-tun jahat sehinggo udi us kunei penan pelatnu de kuet.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 1:20

Dioba resio kunei tujuak bitang de udi kemliak neak tangen kanen-Ku, ngen kunei tujuak kekea lapu mas o: Tujuak bitang o adeba paro malaikat ketujuak jemaat, ngen tujuak kekea lapu o adeba ketujuak jemaat o.”

WAHYU 16:9

Manusio nembem ngen panes opoi de kembiak panes, ngen tobo'o nyupeak Allah, de bekuaso das bencano-bencano o. Kunyau awei o, tobo'o coa lok tobat kunei duso-duso tobo'o ngen coa lok mujai kebesaran Allah.

WAHYU 2:16

Sebab o, tobatba kunei duso-dusonu! Amen coa, tegoa igai Uku bakea teko ngen udi, merang tun-tun o ngen pedang de ade neak bibia-Ku.

WAHYU 2:19

Uku namen kute de udi nea – Uku namen udi mengasiak sesamo udi, udi setia, udi bekerjo, ngen udi tabah menderita. Uku namen udi uyo bekerjo lebiak dau kunei bel'o.

WAHYU 2:2

Uku namen jano de udi nea: Udi kerjo keras ngen udi kembiak sabar. Uku namen bahwo udi coa melei atei ngen tun jahat. Ngen tun-tun makau diraine rasul padahal iso, sudo udi ntes, ngen udi namen bahwo tobo'o mike.

WAHYU 3:19

Tun-tun de uku kasihi, tobo'oba de Uku tema'ok ngen Uku cambuk. Kerno o lokba udi semangat, ngen tobatba kunei duso-dusonu.