WAHYU 2:26 - JANJAI BLAU Lem Bahaso Jang Bebilai

^26-27 Tobo'o de menang, ngen sapei akhir bogoa menea jano de Uku lok, bakea Uku melei kuaso de serai awei de Uku temimo kunei Bapa-Ku. Tobo'o bakea temimo kuaso kunei Uku utuk meriteak bangso-bangso ngen tokot besai, ngen utuk majua bangso-bangso o awei ko'on kunei pitok.

WAHYU 2:26 ပူးပေါင်းရင်းမြစ်များ

MATIUS 10:22

Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si.

MATIUS 19:28

Yesus madeak ngen tobo'o, “Pecayoba: Neak dunio de Belau, Anok Manusio bakea temot neak das kersaine de mulio utuk meriteak. Pado waktau'o udi de penotoa-penotoa-Ku bakea temot neak das keduai belas kersai penan Uku meriteak ngen makim keduai belas sukau bangso Israel!

MATIUS 24:13

Tapi tun de beta'en sapei akhirne bakea senlamat.

YOHANES 6:29

Jawab Yesus, “Dioba kerjo de kenlok Allah, adeba lok ba udi pecayo ngen-Si de sudo nutus Allah.”

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

ROMA 8:37

Tapi lem kutene o ite lebiak kunei tun-tun de menang, kerno Si de sudo mengasihi ite.

1 TESALONIKA 3:5

Do'oba sebabne uku mutus Timotius, kerno uku lok nien namen awei ipe imennu lem hal pecayo ngen Kristus. Uku khawatir Iblis berasea menggoda udi sehinggo kute jerih payeak keme coa sio-sio.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

YAKOBUS 2:20

Udi bodong nien! Jano udi perlu bukti bahwo coa ade gunone temuan imen tapi coa kemerjone?

1 YOHANES 2:19

Musuak-musuak Kristus o adeba tun-tun de sudo teminggea ite, kerno tobo'o sebeneane iso tun-tun ite. Amen tobo'o tun-tun ite, paset bae tobo'o tep besamo-samo ite. Tapi tobo'o teminggea ite, supayo jelasba bahwo coa su'ang tun kulo kunei tobo'o de benea-benea termasuk kelopok ite.

1 YOHANES 3:23

De Si periteak ngen ite adeba: Ite harus pecayo ngen Anok-Ne, adeba Yesus Kristus, ngen ite harus sesamo mengasiak, awei de sudo neriteak Kristus ngen ite.

1 YOHANES 5:5

Api dapet maleak dunio? Cuma tun de pecayo bahwo Yesus adeba Anok Allah.

WAHYU 2:11

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang si coa bakea saro kerno kematian de keduai.”

WAHYU 2:17

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang, bakea Uku melei izin embuk manna de tebunyin, masing-masing bakea temimo kunei Uku debuak butau putiak. Pado butau o tetulis do gen de belau, de coa namen api bae, seluyen tun de temimone.”

WAHYU 2:7

Api dapet temi'uk, lokba temi'uk jano de nadeak Roh Allah ngen jemaat-jemaat! Tobo'o de menang, bakea Uku melei izin mbuk bueak kunei pun kehidupan de idup neak surgo.”

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.

WAHYU 21:7

Tun-tun de menang bakea temimo kutene yo. Uku bakea jijai Allahne, ngen si jijai anok-Ku.

WAHYU 22:5

Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.

WAHYU 3:12

Tun de menang, Uku jemijai sebagai tiang lem Umeak Sucai Allah-Ku, ngen si bakea tinggea neak penan o selamo-lamone. Gen Allah-Ku, gen kota Allah-Ku – adeba Yerusalem blau de bakea tu'un kunei surgo, kunei Allah-Ku – bakea Uku temulis neak dirai tun o. Kulo gen-Ku de blau bakea Uku temulis neak diraine.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.

WAHYU 3:5

Api de menang bakea nakei jubah putiak. Uku coa bakea mapus genne kunei Bukau Tun Idup. Ngen neak adep Bapa-Ku ngen malaikat-malaikat-Ne Uku bakea makau bahwo tobo'o adeba de Uku temuan.