WAHYU 2:25 - JANJAI BLAU Lem Bahaso Jang Bebilai

²⁵ Tapi sapei waktau Uku teko be, lokba udi tep temotoa jano de sudo udi temuan.

WAHYU 2:25 ပူးပေါင်းရင်းမြစ်များ

YOHANES 14:3

Amen Uku lalau moi di ngen bi semiyap penan utuknu. Uku bakea teko igai mbin udi moi penan-Ku, supayo neak penan Uku ade, udi kulo ade.

KISAH RASUL-RASUL 11:28

Saleak suang kunei tobo'o de genne Agabus idup igai ngen kuaso Roh si madeak bahwo kute dunio bakea jijai kenyemen lai. Hal'o tejijai pado zaman Klaudius.

ROMA 12:9

Lokba kasih o jibeak pepurak! Ne'uakba de coa baik ngen neaba de baik.

1 KORINTUS 11:26

Memang tiep kilai udi mbuk ruti ngen menem anggur yo, udi melei namen tetang mateine Tuhan, sapei Tuhan teko.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

1 TESALONIKA 5:21

Kute sesuaktau harus nujai, ngen de baik harus tenotoa.

IBRANI 10:23

Lokba ite bepegong teguh ngen harapan de ite pecayo, sebab Allah dapet cenayo ngen Si bakea tempat janjai-Ne.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

IBRANI 4:14

Do'oba sebabne ite harus be pegong teguh pado kepercayaan ite. Sebab ite temuan Imem Lai de lai, de sudo masuk sapei neak adep Allah – Siba Yesus Anok Allah.

2 PETRUS 3:10

Tapi Bilai tekone Tuhan bakea teko awei maling. Pado bilai o, lenget bakea nyep ngen sa'ei gutua, ngen benda-benda neak lenget bakea abis tekembem, bumai ngen kute de ade neak lemne bakea nyep.

WAHYU 1:7

Keliak, si teko ngen embun-embun! Kute tun bakea kemliak Si, termasuk kulo tobo'o de sudo temikem-Ne. Kute bangso neak bumai bakea ibo kerno Si. Au, paset! Amin!

WAHYU 22:20

Si de melei namen kute bito yo madeak, “Benea, Uku bakea segero teko!” Amin! Tekoba, ya Tuhan Yesus!

WAHYU 22:7

“Kemliakba dio!” nadeak Yesus, “Uku bakea segero teko. Riangba tun de ta'at ngen kecek-kecek nubuat lem kiteb yo!”

WAHYU 3:11

Uku segro teko! Jagoba baik-baik jano de udi temuan, supayo coa suang kulo mok hadiah kemenangannu.

WAHYU 3:3

Jijai, tingetba igai ngen jano de sudo najea ngen udi bel'o ngen jano de sudo udi teni'uk. Temotoaba do'o ngen tobatba kunei duso-duso udi. Amen udi coa kelongon, uku bakea teko ngen udi awei maling; ngen udi coa bakea namen tengen waktaune Uku teko.