WAHYU 2:14 - JANJAI BLAU Lem Bahaso Jang Bebilai

¹⁴ Tapi awei yo ade kekedau hal de Uku coa senang kunei udi: Ade pa'o tun neak antaro udi de temotoa jano de najea Bileam. Bileam majea Balak awei ipe jemrumus umat Israel moi lem duso; ngen mbujuk tobo'o utuk mbuk kembuk de sudo seniap ngen patung, menea hal-hal de cabul.

WAHYU 2:14 ပူးပေါင်းရင်းမြစ်များ

MATIUS 18:7

Padeak celakone dunio yo kerno hal-hal de sembab tun beduso. Hal-hal de awei'o selalu ade, tapi celakoba tun de sembabne.

KISAH RASUL-RASUL 15:29

Udi harus me'uak dirai kunei kembuk de senembeak ngen berhala, kunei daleak, kunei daging benatang de matei ncit ngen kunei percabulan. Amen udi jemago dirai teadep hal-hal yo, udi menea baik. Sapei piyoba, selamat.”

KISAH RASUL-RASUL 21:25

Tapi tetang bangso-bangso luyen, de sudo pecayo, keme bi kemirim su'et ngen tobo'o tetang keputusan keme, adeba tobo'o bahwo tobo'o coa buliak mbuk kembuk de sudo senreak ngen patung, kunei daleak, kunei daging benatang de matei ncit ngen kunei zinah.”

ROMA 11:9

Ngen Daud madeak: “Kunyauba pesta-pesta tobo'o jijai tanjoa penyesatan ngen balasan utuk tobo'o.

ROMA 14:13

Kerno o jibeakba ite saling semaleak. Sebelekne berusahoba supayo udi coa menea jejano de menea su'ang saudaro do imen tergoda ngen beduso.

ROMA 14:21

Lebiak baik jibeak mbuk daging atau menem anggur atau menea jano bae amen hal o menea su'ang saudaro do imen jijai beduso.

ROMA 9:32

Getai coa? Kerno Israel mesoa iso kerno imen, tapi kerno plep. Tobo'o jijai tebtut pado butau de menea tun jijai tebtut.

1 KORINTUS 1:23

Tapi ite yo cuma melei namen Kristus de matei senalib. Bito o seminggung atei tun Yahudi, naggep mike ngen tun-tun iso Yahudi.

1 KORINTUS 7:2

Tapi supayo coa tegoda utuk menea hal-hal de coa baik, lebiak baik tiep semanei temuan pengaten selawei suang ngen tiep selawei temuan sematenne suang.

IBRANI 13:4

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.

1 PETRUS 2:8

ngen “Do'oba butau de menea tun tatuk, butau de menea tobo'o us.” Tobo'o tatuk kerno tobo'o coa pecayo ngen kecek Allah. Awei'oba sudo tentau Allah tetang tobo'o.

2 PETRUS 2:15

Kerno tobo'o coa lok temotoa dalen de lu'us, mako tobo'o seset. Tobo'o mok dalen tenotoa Bileam anok Beor bel'o. Bileam yo lok nien dapet caci kunei perbuatanne de coa baik.

YUDAS 1:11

Celakoba tobo'o! Tobo'o bi motoa dalen Kain. Kunyau dapet caci, tobo'o mbin diraine moi lem kesesatan, serai awei Bileam. Tobo'o benaso kerno brutak awei Korah.

WAHYU 2:20

Tapi dio keberatan-Ku teadep udi: Udi melei atei ngen Izebel, selawei de makau diraine suruhan Allah. Bi dau hamba-hamba-Ku de tepike ngen de najeane utuk menea zinah ngen Utuk embuk kembuk persembahan patung.

WAHYU 2:4

Tapi dio keberatan-Ku teadep udi: Udi coa igai mengasiak Uku awei semulo.

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.