WAHYU 19:9 - JANJAI BLAU Lem Bahaso Jang Bebilai

⁹ Lajau malaikat o madeak ngen uku, “Tulisba dio: ‘Riangba tun de nundang moi pesta nikeak Anok Bebirai o.’ ” Sesudo'o malaikat o temambeak kulo, “Dioba bito benea kunei Allah.”

WAHYU 19:9 ပူးပေါင်းရင်းမြစ်များ

LUKAS 22:16

Sebab Uku madeak ngen udi: Uku coa bakea mbukne igai sapei si dapet gemnepne lem Dunio Blau Allah.”

1 TIMOTIUS 1:15

Kecek o benea ngen patut tenimo sepenuakne, “Kristus Yesus teko moi dunio yo utuk semlamat tun beduso.” Ngen neak antaro tobo'o ukuba de kembiak beduso.

1 TIMOTIUS 4:9

Hal o benea ngen patut tenimo sepenuakne.

2 TIMOTIUS 2:11

Sungguak benea kecek yo, “Amen ite bi matei besamo Si, ite bakea idup kulo besamo Si.

TITUS 3:8

Kecek yo sungguak benea. Uku lok ko manggap hal-hal yo peting, supayo tun-tun de pecayo ngen Allah sungguak-sungguak berusaho utuk menea kerjo de baik ngen beguno utuk kute tun.

WAHYU 1:1

Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 1:19

Sebab o, tulisba hal-hal de ko kemliak, adeba hal-hal de ade uyo, ngen hal-hal de bakea tejijai.

WAHYU 10:4

Sesudo ketujuak gutua o miling, uku lok temulisne, tapi uku temi'uk sa'ei kunei surgo madeak, “Neresioba jano de nadeak tujuak gutua o; jibeak temulisne!”

WAHYU 14:13

Lajau uku temi'uk sa'ei kunei surgo madek, “Tulisba dio: Muloi uyo, riangba tun-tun de matei waktau dong melayan Tuhan!” “Benea!” jawab Roh Allah. “Tobo'o bakea bedan kerjo keras, kerno asea pelayanan tobo'o bakea semerto tobo'o.”

WAHYU 17:1

Sesudo'o saleak su'ang kunei ketujuak malaikat de megong tujuak penan o teko ngen uku ngen madeak, “Maro, uku bakea kemten ngen udi awei ipe selawei nakea de lai o bakea nukum, adeba kota lai o de ten'gok pa'ok bioa-bioa.

WAHYU 17:17

Sebab Allah sudo mukok atei tobo'o utuk kemerjo rencano Allah. Allah menea tobo'o sepakat utuk semreak kuaso tobo'o ngen benatang o, supayo benatang o meriteak sapei tejijai jano de nadeak Allah.

WAHYU 2:1

“Ngen malaikat jemaat neak Efesus, tulisba awei yo: Dioba pesen kunei Si de megong ketujuak bitang pado tangen kanen-Ne, ngen paneu neak antaro ketujuak kekea lapu mas o.

WAHYU 2:12

“Ngen Malaikat jemaat neak Pergamus, tulisba awei yo: Dioba pesen kunei Si de megong pedang tajem matai duai.

WAHYU 2:18

“Ngen malaikat jemaat neak Tiatira, tulisba awei yo: Dioba pesen kunei Anok Allah, de matai-Ne awei opoi ngen kekea-Ne awei temagai.

WAHYU 2:8

“Ngen malaikat jemaat neak Smirna, tulisba awei yo: Dioba pesen kunei Si de Pertamo ngen Terakhir – de sudo matei ngen idup igai.

WAHYU 21:5

Lajau Si de temot neak das takhta o madeak, “Uyo Uku bi menea kutene blau!” Si madeak kulo ngen uku, “Tulisba dio, sebab kecek-kecek yo benea ngen dapet cayo.”

WAHYU 22:6

Lajau malaikat o madeak ngen uku, “Kecek-kecek yo benea ngen dapet cayo. Tuhan Allah de melei Roh-Ne ngen nebai-nebai, sudo mutus malaikat-Ne utuk melei namen ngen hamba-hamba-Ne jano de bakea tejijai.”

WAHYU 3:1

“Ngen jemaat neak Sardis, tulisba awei yo: Dioba pesen kunei Si de temuan ketujuak roh kunei Allah ngen ketujuak bitang o. Uku namen jano de udi nea. Nadeakne udi idup, padahal udi matei!

WAHYU 3:14

“Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.

WAHYU 3:20

Keliak! Uku je neak adep bang ngen kemtuk bang. Amen ade tun de temi'uk suaro-Ku, ngen mukok bang, Uku bakea masuk magea si; Uku bakea mukmei besamo-samo si ngen si mukmei besamo-samo Uku.

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.