WAHYU 19:20 - JANJAI BLAU Lem Bahaso Jang Bebilai

²⁰ Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 19:20 ပူးပေါင်းရင်းမြစ်များ

MATIUS 7:15

“Atei-ateiba ngen nebai-nebai palsu. Tobo'o teko ngen udi awei domba, tapi tobo'o sebeneane awei srigala de teko utuk semrang udi.

WAHYU 14:10

tun o bakea menem anggur Allah, adeba anggur murka Allah de sudo mpek lem penanne, coa ade ku'ang didik kulo! Kute tun o bakea senikso neak lem opoi ngen bli'ang neak adep malaikat-malaikat sucai ngen neak adep Anok Bebirai o.

WAHYU 17:12

Puluak tanduk de udi kemliak o adeba puluak rajo de ati muloi meriteak. Tapi tobo'o bakea nelei kuaso utuk meriteak sebagai rajo besamo-samo ngen benatang o selamo de jam.

WAHYU 19:19

Sesudo'o uku kemliak benatang o, ngen rajo-rajo bumai ngen tentra-tentra tobo'o, bekopoa utuk tepur melawen Si de mbin kudo putiak ngen tentra-Ne

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.

WAHYU 9:17

Ngen lem pengeliak, uku kemliak kudo-kudo ngen penunggang-penunggangne. Penunggang-penunggangne makei bajau besai warno mileak te'ang, biru awei butau nilam, ngen kuning bli'ang. Ulau kudo-kudo o awei ulau singo, ngen kunei bibiane keluea opoi, asep, ngen bli'ang.