WAHYU 19:14 - JANJAI BLAU Lem Bahaso Jang Bebilai

¹⁴ Pasukan perang de neak surgo temotoa Si ngen kemnek kudo-kudo putiak, ngen makei keracok linen de putiak bersih.

WAHYU 19:14 ပူးပေါင်းရင်းမြစ်များ

MATIUS 21:5

“Kadeakba ngen Sion, Rajonu gidong teko ngen ko. Si temeak atei ngen Si kenek dikup keledai, dikup anok keledai puai.”

MATIUS 26:53

Udi kemiro Uku coa dapet minoi tulung ngen Bak-Ku, ngen Si segro bakea kemirim lebiak kunei duai belas pasukan tentra malaikat?

MATIUS 28:3

Papea malaikat'o awei kilet, ngen keracokne putiak nien.

2 TESALONIKA 1:7

Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

YUDAS 1:14

Henokh, keturunan ketujuak kunei Adam, bel'o perneak bernubuat tetang tun-tun o. Henokh madeak, “Keliak, Tuhan bakea teko ngen beribau-ribau malaikat-Ne de sucai,

WAHYU 14:1

Sesudo'o uku kemliak, lajau keten Anok Bebirai o je neak das Tebo Sion. Besamo Si ade sotos pat puluak pat ribau tun ngen neak ning tobo'o tetulis gen-Ne ngen gen Bapa-Ne.

WAHYU 14:20

Bueak-bueak anggur o niyuak neak luea kota, ngen kunei alat miyuak anggur o kelueaba daleak awei bioa de'es, uakne telau otos kilometer, ngen lemne hampir duai meter.

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.

WAHYU 19:8

Keracok linen de kilet sudo nelei ngen si utuk nakei.” (Keracok linen o adeba plep-plep baik de nea umat Allah.)

WAHYU 3:4

Tapi neak tengeak-tengeak udi neak Sardis masiak ade tun de jemago supayo keracokne tep bersih. Tobo'o bakea paneu besamo-samo Uku ngen makei keracok putiak, sebab tobo'o patas utuk do'o.

WAHYU 4:4

Lem betuk lingkaran sekeliling takhta o ade duai puluak pat takhta de luyen. Neak di temot duai puluak pat pemipin de makei keracok putiak, ngen makei mahkota mas.

WAHYU 7:9

Sesudo'o uku kemliak igai, lajau keten tun dau de luea biaso daune – coa ade suang kulo de dapet mitung jumlahne. Tobo'o adeba tun-tun kunei tiep bangsa, suku, negara, ngen bahasa. Ngen makei jubah de putiak-putiak ngen megong dan-dan pun palem neak tangen, tun-tun dau o je madep takhta ngen madep Anok Bebirai o!