WAHYU 19:12 - JANJAI BLAU Lem Bahaso Jang Bebilai

¹² Matai-Ne awei opoi ngen neak ulau-Ne Si makei dau mahkota. Neak dirai-Ne tetulis do gen; ngen cuma Si su'ang de namen gen o.

WAHYU 19:12 ပူးပေါင်းရင်းမြစ်များ

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

MATIUS 21:5

“Kadeakba ngen Sion, Rajonu gidong teko ngen ko. Si temeak atei ngen Si kenek dikup keledai, dikup anok keledai puai.”

MATIUS 28:18

Yesus maok tobo'o ngen madeak, “Kute kuaso neak surgo ngen neak bumai sudo senreak ngen Uku.

LUKAS 10:22

Kutene bi senreak Bapa ngen Coa suang kulo kemnal Anok, luyen kunei Bapa. Coa ade kulo de kemnal Bapa luyen kunei Anok; ngen tun-tun ngen Anok o lok kemnal Bapa.”

YOHANES 17:11

Uku coa ade igai neak lem dunio, tapi tobo'o masiak ade neak lem dunio, Uku teko ngen Ko. Au Bapa de sucai, jagoba tobo'o lem gen-Nu, adeba gen-Nu de sudo Ko melei ngen-Ku, supayo tobo'o jijai do serai awei ite.

YOHANES 17:12

Sekean Uku sesamo tobo'o, Uku miaro tobo'o lem gen-Nu de sudo Ko melei ngen-Ku; Uku jemago tobo'o ngen coa ade suang kulo kunei tobo'o de nyep seluyen si desudo se'arusne nyep, supayo tejijaiba de tenulis lem Kiteb Sucai.

EFESUS 1:21

Kedudukan Kristus o uak lebiak lekat kunei kute pemeritek, penguaso, kuaso, kerajaan ngen tiep-tiep gen de dapet senbut, iso cuma neak dunio yo bae, meluyen kulo neak dunio de bakea teko.

IBRANI 2:9

Tapi ite bi kemliak Yesus berkuaso! Si jenijai rendeak didik kunei malaikat utuk waktau de siket, supayo das kebaikan atei Allah Si dapet matei utuk kute umat manusio. Ite kemliak Si uyo nelei penan de mulio ngen terhormat kerno Si bi menderita sapei matei.

WAHYU 1:14

Buk-Ne putiak awei bulau bebirai, putiak awei kapes, ngen matai-Ne awei opoi;

WAHYU 12:3

Lajau keten kulo neak lenget suaktau de ajaib. Ade dikup nagai mileak de kembiak lai de temuan tujuak ulau ngen puluak tanduk. Tiep ulaune makei debueak mahkota.

WAHYU 13:1

Sesudo'o uku kemliak dikup benatang keluea kunei laut. Si temuan puluak tanduk ngen tujuak ulau. Neak das tanduk-tandukne ade puluak mahkota ngen neak tiep ulaune tetulis debueak gen penghinaan teadep Allah.

WAHYU 19:16

Neak jubah-Ne ngen neak balung-Ne tetulis do gen, “Rajo kute rajo, ngen Tuhan kute tuan.”

WAHYU 3:12

Tun de menang, Uku jemijai sebagai tiang lem Umeak Sucai Allah-Ku, ngen si bakea tinggea neak penan o selamo-lamone. Gen Allah-Ku, gen kota Allah-Ku – adeba Yerusalem blau de bakea tu'un kunei surgo, kunei Allah-Ku – bakea Uku temulis neak dirai tun o. Kulo gen-Ku de blau bakea Uku temulis neak diraine.

WAHYU 6:2

Mako uku kemliak, lajau keten dikup kudo putiak. De ngembinne megong debueak anok panah, ngen si nelei debueak mahkota. Si majo sebagai su'ang pemenang de lalau mbut kemenangan.