WAHYU 18:6 - JANJAI BLAU Lem Bahaso Jang Bebilai

⁶ Neaba si awei ipe si bi menea udi; malesba si duai kilai lipet utuk kute de sudo neanne. Mpekba makukne ngen minuman de duai kilai lebiak keras kunei minuman de seniapne utuk udi.

WAHYU 18:6 ပူးပေါင်းရင်းမြစ်များ

2 TIMOTIUS 4:14

Aleksander, tukang tembago o, bi menea kejahatan te'adep uku. Tuhan bakea malesne sesuai ngen plepne.

WAHYU 13:10

“Tun de harus nukum, bakea nukum. Ngen tun de harus nunuak ngen pedang, bakea nunuak ngen pedang. Do'oba sebabne umat Allah harus sabar ngen setia.”

WAHYU 14:10

tun o bakea menem anggur Allah, adeba anggur murka Allah de sudo mpek lem penanne, coa ade ku'ang didik kulo! Kute tun o bakea senikso neak lem opoi ngen bli'ang neak adep malaikat-malaikat sucai ngen neak adep Anok Bebirai o.

WAHYU 16:19

Kota de lai o pecuak jijai telau bagian, ngen ajuaba kulo kota-kota kute negara neak dunio. Lajau Allah tinget ngen Babel de lai o. Mako Allah menea si mbuk anggur kunei penan anggur Allah – adeba anggur murka Allah de lai.

WAHYU 17:2

Rajo-rajo dunio menea zinah ngen si, ngen penghuni bumai jijai mabuk kerno mbuk anggur perzinahanne.”

WAHYU 17:4

Selawei o makei bajau ungu ngen mileak tuai, serto makei perhiasan-perhiasan mas, permata-permata ngen mutiara. Neak tangenne si megong debuak makuk mas de penuak ngen hal-hal keji ngen najis, asea kunei perzinahan ne.

WAHYU 18:20

Hai surgo, riangba das ajuane kota o! Hai umat Allah, rasul-rasul, ngen nebai-nebai, riang ba! Sebab Allah sudo mukum si sebagai pembalasan das jano de neane teadep udi!