WAHYU 18:24 - JANJAI BLAU Lem Bahaso Jang Bebilai

²⁴ Babel nukum sebab neak lem kota o bi ade daleak nebai-nebai, daleak umat Allah – siketne daleak kute tun de sudo nunuak neak das bumai.

WAHYU 18:24 ပူးပေါင်းရင်းမြစ်များ

MATIUS 23:27

Celakoba udi gu'au-gu'au agamo ngen tun-tun Farisi! Udi tun-tun munafik! Udi awei kubua de ncet putiak; neak luea baes kutene, tapi neak lemne penuak ngen telan ngen kute de usuk-usuk.

MATIUS 23:35

Sebab'o udi bakea nukum kerno udi munuak neak antaro Umeak Semyang ngen penan kurbanne. Kute tun de coa saleak, muloi Habel, sapei Zakaria.

KISAH RASUL-RASUL 7:52

Jano ade nebai de coa senikso ninik puyangnu? Tobo'o munuak utusan-utusan kunei Allah de bel o ba melei namen bahwo Hamba Allah de benea o bakea teko. Uyo udi muker ngen munuak Hamba Allah o.

1 TESALONIKA 2:15

Bahkan tun-tun Yahudi o de bi munuak Tuhan Yesus ngen para nebai, bi semikso keme. Tobo'o musuak ngen kute tun, Allah samo sekilai coa senang ngen tobo'o.

WAHYU 11:7

Sesudo tobo'o selsei melei bito tobo'o, benatang de keluea kunei jurang maut bakea melawen tobo'o. Si bakea maleak ngen munuak tobo'o.

WAHYU 16:6

Tobo'o bi temupeak daleak umat Allah ngen daleak nebai-nebai; uyo Ko menea tobo'o mbuk daleak. Hal o wajar utuk tobo'o!”

WAHYU 17:6

Lajau uku kemliak bahwo selawei o mabuk ngen daleak umat Allah ngen daleak tun-tun de nunuak kerno setia ngen Yesus. Ketiko uku kemliak selawei o, uku jijai sele.

WAHYU 19:2

Hukuman-Ne adea ngen bijaksana! Si bi melei ukuman ngen selawei nakea de lai, de musak dunio ngen perzinahanne. Allah sudo mukum selawei nakea o, sebab si munuak hamba-hamba Allah.”