WAHYU 18:15 - JANJAI BLAU Lem Bahaso Jang Bebilai

¹⁵ Pedagang de sudo jijai kayo kerno dagang neak kota o bakea je kunei uak, sebab tobo'o saben keno siksaanne. Tobo'o bakea ngindoi ngen duko,

WAHYU 18:15 ပူးပေါင်းရင်းမြစ်များ

MARKUS 11:17

Lajau Si majea tobo'o, nadeak-Ne, “Iso ade tetulis: Umeak-Ku bakea sembut umeak du'o utuk kute bangso? Tapi udi yo bi jemijaine penan perapok!”

KISAH RASUL-RASUL 16:19

Ketiko majikan-majikanne o kemliak bahwo harapan tobo'o utuk dapet asea bi nyep, tobo'o temakep Paulus ngen Silas, lajau me'et tobo'o moi pasar utuk madep paro penguaso.

WAHYU 18:12

Coa ade de mukua mas, pirok permata, ngen mutiara tobo'o; kulo kain linen, kain ungu, sutera, ngen kain mileak tuai; kute mecem kieu de jarang dapet, barang-barang kunei gading ngen kunei kieu de la'ang, kunei temagai, besi, ngen pualam;

WAHYU 18:13

kulit manis, rerepeak, setanggi, mur, ngen kemenyen; anggur ngen minyok, tepung ngen gendum; sapai ngen bebirai, kudo ngen kerita, hamba-hamba, bahkan nyabai manusio kulo.

WAHYU 18:14

Pedagang madeak ngen selawei o, “Kute de ko lok bi cigai, ngen kute kemewahan ngen keindahan bi nyep. Ko coa bakea temau igai!”

WAHYU 18:19

Mako tobo'o semiram abau neak ulau tobo'o sebagai tando duko, lajau ngindoi ngen menggang, “Aduh, padeak celakone kota de lai yo! Kekayaanne bi menea kute tun de temuan kepea-kepea neak laut jijai kayo! Tapi lem de jam bae, sudo nyep kekutene!”

WAHYU 18:3

Sebab kute bangsa bi mbuk anggur nafsu perzinahanne. Rajo-rajo dunio menea zinah ngen si, ngen pedagang-pedagang neak bumai jijai kayo kerno coa taen ngen nafsune.”