WAHYU 18:10 - JANJAI BLAU Lem Bahaso Jang Bebilai

¹⁰ Tobo'o bakea je kunei uak sebab tobo'o saben keno siksaanne. Tobo'o madeak, “Aduh, padeak celakone kota de termasyhur yo – kota Babel de kuet! Lem de jam bae ukumannu sudo neane!”

WAHYU 18:10 ပူးပေါင်းရင်းမြစ်များ

WAHYU 11:8

Ngen mayit tobo'o bakea besirok neak dalen kota lai, neak ipe Tuhan tobo'o senalib. Gen kiasan kota o adeba Sodom atau Mesir.

WAHYU 14:8

Malaikat keduai motoa malaikat de pertamo samo menggang, “Bi us! Kota Babel de lai bi ajua! Si sudo menea kute bangsa jijai mabuk bioa anggur – adeba anggur kunei hawa nafsu zinahne!”

WAHYU 16:19

Kota de lai o pecuak jijai telau bagian, ngen ajuaba kulo kota-kota kute negara neak dunio. Lajau Allah tinget ngen Babel de lai o. Mako Allah menea si mbuk anggur kunei penan anggur Allah – adeba anggur murka Allah de lai.

WAHYU 17:12

Puluak tanduk de udi kemliak o adeba puluak rajo de ati muloi meriteak. Tapi tobo'o bakea nelei kuaso utuk meriteak sebagai rajo besamo-samo ngen benatang o selamo de jam.

WAHYU 18:18

Ngen menggang waktau tobo'o kemliak asep kebuk kunei opoi de mbem kota o. Tobo'o menggang, “Coa perneak ade kota luyen awei kota de lai yo!”

WAHYU 18:19

Mako tobo'o semiram abau neak ulau tobo'o sebagai tando duko, lajau ngindoi ngen menggang, “Aduh, padeak celakone kota de lai yo! Kekayaanne bi menea kute tun de temuan kepea-kepea neak laut jijai kayo! Tapi lem de jam bae, sudo nyep kekutene!”

WAHYU 18:21

Sesudo'o su'ang malaikat de perkaso maket debuak butau – kelai butau gilingan de lai – lajau melukne moi lem laut serto madeak, “Awei'oba ca'one kota Babel de termasyhur o bakea nuang sehinggo coa bakea temau igai.

WAHYU 18:8

Kerno hal o ba, mako lem debilai bae si bakea keno bencano – olon, ibo ngen nyemen. Ngen si bakea nembem ngen opoi, sebab bekuasoba Tuhan Allah de mukumne o.”