WAHYU 17:8 - JANJAI BLAU Lem Bahaso Jang Bebilai

⁸ Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.

WAHYU 17:8 ပူးပေါင်းရင်းမြစ်များ

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

LUKAS 10:20

Sekilai kulo awei o jibeakba beriang kerno roh-roh kejahatan taat ngen udi. Lebiak baik udi beriang kerno gennu ade neak lem surgo.”

LUKAS 8:31

Semat-semat o bekinoi ngen Yesus, supayo Si jibeak meriteak tobo'o masuk moi lem Jurang Maut.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

KISAH RASUL-RASUL 15:18

de sudo namen sejok semulo.’

EFESUS 1:4

Ayok dunio yo jenijai, Allah bi miliak ite liwet Kristus ngen maksud supayo ite sucai ngen coa cacet neak adep-Ne.

TITUS 1:2

Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

1 PETRUS 1:20

Kristus niliak Allah ayok dunio jenijai. Tapi kerno udi, Si tembei madeak dirai-Ne pado akhir zaman. Si teko moi dunio supayo udi senlamat.

WAHYU 11:7

Sesudo tobo'o selsei melei bito tobo'o, benatang de keluea kunei jurang maut bakea melawen tobo'o. Si bakea maleak ngen munuak tobo'o.

WAHYU 17:11

Ngen benatang de bel'o perneak idup, tapi uyo bi matei adeba rajo de kedelapen. Si adeba do kunei tujuak rajo o kulo, de uyo gidong lalau moi kebinasaan.

WAHYU 17:2

Rajo-rajo dunio menea zinah ngen si, ngen penghuni bumai jijai mabuk kerno mbuk anggur perzinahanne.”

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 20:12

Ngen uku kemliak tun-tun matei, lai titik, je neak adep takhta o. Mako kiteb-kiteb kulo nukok. Lajau debueak kiteb de luyen nukok, adeba Kiteb Tun Idup. Sesudo'o ukuman nelei ngen tun matei, setipal ngen plep tobo'o temurut de ade neak lem bukau-bukau o.

WAHYU 20:15

Tun-tun de genne coa tetulis neak lem Bukau Tun Idup, nuang moi lem lautan opoi.

WAHYU 3:10

Kerno udi bi kemerjo periteak-Ku supayo tekun, Uku kulo bakea jemago udi kunei bilai pencobaan de bakea teko moi kute dunio. Hal o bakea tejijai utuk cemubo kute tun neak bumai.

WAHYU 3:5

Api de menang bakea nakei jubah putiak. Uku coa bakea mapus genne kunei Bukau Tun Idup. Ngen neak adep Bapa-Ku ngen malaikat-malaikat-Ne Uku bakea makau bahwo tobo'o adeba de Uku temuan.