WAHYU 17:4 - JANJAI BLAU Lem Bahaso Jang Bebilai

⁴ Selawei o makei bajau ungu ngen mileak tuai, serto makei perhiasan-perhiasan mas, permata-permata ngen mutiara. Neak tangenne si megong debuak makuk mas de penuak ngen hal-hal keji ngen najis, asea kunei perzinahan ne.

WAHYU 17:4 ပူးပေါင်းရင်းမြစ်များ

WAHYU 14:8

Malaikat keduai motoa malaikat de pertamo samo menggang, “Bi us! Kota Babel de lai bi ajua! Si sudo menea kute bangsa jijai mabuk bioa anggur – adeba anggur kunei hawa nafsu zinahne!”

WAHYU 18:12

Coa ade de mukua mas, pirok permata, ngen mutiara tobo'o; kulo kain linen, kain ungu, sutera, ngen kain mileak tuai; kute mecem kieu de jarang dapet, barang-barang kunei gading ngen kunei kieu de la'ang, kunei temagai, besi, ngen pualam;

WAHYU 18:16

ajau madeak, “Aduh, padeak celakone kota de termasyhur yo! Biasone si makei keracok linen, kain ungu ngen kain mileak tuai; biasone si penuak ngen perhiasan mas, permata ngen mutiara!

WAHYU 19:2

Hukuman-Ne adea ngen bijaksana! Si bi melei ukuman ngen selawei nakea de lai, de musak dunio ngen perzinahanne. Allah sudo mukum selawei nakea o, sebab si munuak hamba-hamba Allah.”

WAHYU 21:21

Keduai belas gerbangne ade duai belas mutiara, masing-masing bang nea kunei do mutiara. Dalen neak kota o nea kunei mas murni, jeniak awei kaco.

WAHYU 9:21

Tobo'o coa kulo teminggea plep-plep kidekne, adeba munuak tun, lemau-lemau gaib, zinah ngen maling.