WAHYU 17:17 - JANJAI BLAU Lem Bahaso Jang Bebilai

¹⁷ Sebab Allah sudo mukok atei tobo'o utuk kemerjo rencano Allah. Allah menea tobo'o sepakat utuk semreak kuaso tobo'o ngen benatang o, supayo benatang o meriteak sapei tejijai jano de nadeak Allah.

WAHYU 17:17 ပူးပေါင်းရင်းမြစ်များ

LUKAS 22:22

Sebab Anok Manusio memang bakea lalau awei de bi tentep, tapi celakoba tun de muker gen-Ne!”

LUKAS 22:3

Mako masukba Iblis moi lem Yudas, de genne Iskariot, suang kunei keduai belas penotoa Yesus.

LUKAS 22:37

Sebab Uku madeak ngen udi, bahwo ayat Kiteb Sucai yo arus gennep pado-Ku. Si bakea te'itung neak antaro pembrutak-pembrutak. Sebab jano de tetulis tetang Uku gidong gennep.”

YOHANES 10:35

Amen tobo'o, ngen api firman o senapei, de senbut Ilah dong Kiteb Sucai coa dapet buye.

YOHANES 13:18

Iso tetang udi kute Uku madeak. Uku namen, api de sudo Uku piliak. Tapi jano de tenulis neak lem Alkiteb harus tejijai, ‘Tun de mbuk besamo Uku, bakea melawen Uku.’

YOHANES 13:2

Ketiko tobo'o dong mukmei sesamo, Iblis bi misik rencano lem atei Yudas Iskariot, anok Simon, utuk mianat Yesus.

YOHANES 19:24

Kerno o tobo'o madeak suang ngen de luyen, “Jibeakba ite magiakne jijai kekedau lambea, tapi baikba ite muang undian utuk tentau api de dapetne.” Awei yo ba kelokne supayo tejijai de ade tenulis lem Kiteb Sucai: “Tobo'o magiak keracok-Ku neak antaro tobo'o ngen tobo'o muang undian das jubah-Ku.” Hal o bi nea prajurit-prajurit o.

YOHANES 19:28

Sesudo'o, kerno Yesus namen bahwo kute sesuaktau bi selsei, madeakba Si – supayo tejijai de tenulis lem Kiteb Sucai –: “Uku aus!”

2 KORINTUS 8:16

Keme mucep syukur ngen Allah sebab Si bi menea Titus serai giatne ngen keme utuk temulung udi.

WAHYU 10:7

Tapi amen malaikat ketujuak kembus trupetne, Allah bakea menea rencano resio-Ne, awei bi Si madeak ngen hamba-hamba-Ne, adeba paro nebai.”

WAHYU 15:1

Sesudo'o uku kemliak neak lenget sesuaktau de ajaib ngen luea biaso lai ne. Ade tujuak malaikat ngen tujuak bencano de terakhir. Dioba akhir murka Allah.

WAHYU 17:13

Puluak rajo yo kutene temuan tujuan de serai; tobo'o kutene semreak kekuatan, kuaso ngen benatang o.

WAHYU 19:9

Lajau malaikat o madeak ngen uku, “Tulisba dio: ‘Riangba tun de nundang moi pesta nikeak Anok Bebirai o.’ ” Sesudo'o malaikat o temambeak kulo, “Dioba bito benea kunei Allah.”

WAHYU 6:11

Masing-masing tobo'o nelei delambea jubah putiak. Lajau tobo'o neluak istirahat tegoa igai, sapei bi lekap kute jumlah kekuat seperjuangan ngen saudaro-saudaro tobo'o de bakea nunuak awei tobo'o.