WAHYU 16:5 - JANJAI BLAU Lem Bahaso Jang Bebilai

⁵ Uku temi'uk malaikat de bekuaso das bioa madeak, “Hukuman de Ko melei adeba adea, Allah de sucai, Allah de ade, ngen de sudo ade!

WAHYU 16:5 ပူးပေါင်းရင်းမြစ်များ

YOHANES 17:25

Au Bapa de adea, memang dunio coa kemnal Ko, tapi Uku kemnal Ko, tobo'o namen bahwo Ko ba de sudo mutus Uku.

ROMA 2:5

Tapi udi telo ulau ngen coa lok tobat, udi suangba de menea hukuman udi jijai tambeak benek pado Bilai Kiamat, amen Allah kemten murka-Ne ngen melei hukuman de adea.

ROMA 3:5

Tapi amen keadilan Allah jijai tambeak nyato, kerno ite menea de coa benea, jano de lok ite madeak? Bahwo Allah coa adea amen Si mukum ite?

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,

WAHYU 1:8

“Ukuba de pertamo ngen terakhir,” nadeak Tuhan Allah, de ade, de sudo ade, ngen de ade seterusne, De Mahakuaso.

WAHYU 11:17

Tobo'o madeak, “Tuhan, Allah Mahakuaso, de ade, ngen de sudo ade! Keme mokasiak ngen Ko sebab Ko makei kuaso-Nu de lai, ngen bi muloi meriteak!

WAHYU 16:4

Sesudo'o malaikat ketelau temupeak si'ing penanne moi bioa-bioa de'es ngen moi matai bioa, mako kute bioane jijai daleak.

WAHYU 16:7

Lajau uku temi'uk sa'ei kunei mezbah madeak, “Tuhan, Allah Mahakuaso, benea ngen adeaba ukuman-ukuman de Ko melei!”

WAHYU 19:2

Hukuman-Ne adea ngen bijaksana! Si bi melei ukuman ngen selawei nakea de lai, de musak dunio ngen perzinahanne. Allah sudo mukum selawei nakea o, sebab si munuak hamba-hamba Allah.”

WAHYU 4:8

Kepat makhluk o, masing-masing temuan num sayep, sekelilingne ngen neak peak lemne penuak ngen matai. Lueng kelmen makhluk-makhluk o coa bedan-bedanne nyanyi, “Sucai, sucai, sucaiba Tuhan, Allah Mahakuaso; de ade, de sudo ade, ngen de ade seterusne.”

WAHYU 6:10

Tobo'o menggang ngen sa'ei de lek, “Ya Tuhan De Mahokuaso, de sucai ngen benea! Kedau an igai Ko mukum tun neak bumai ngen mukum tobo'o kerno bi munuak keme?”